ក្រសួង​ទេសចរណ៍​កម្ពុជា​កំពុង​ត្រៀម​បញ្ចប់​សំណង់​សាលា​វិជ្ជាជីវៈ​វិស័យ​ទេសចរណ៍​ចំនួន​២កន្លែង​ ដែលទី១​ស្ថិតនៅ​ក្នុង​រាជធានី​ភ្នំពេញ ​និង​ទី២​ស្ថិតនៅ​ក្នុង​ខេត្ត​ព្រះសីហនុ​។ ​សាលាទាំង​២នេះ​ នឹងបើក​ដំណើរការ​ក្នុងពេល​ដ៏ខ្លី​ខាងមុខ​។ ​សំណង់​សាលា​វិជ្ជាជីវៈ​ទេសចរណ៍​ទាំងពីរ​ ធ្វើឡើង​ក្រោម​ជំនួយ​ឥណទាន​របស់​ទីភ្នាក់ងារ​អភិវឌ្ឍន៍​បារាំង​(AFD) ​ក្នុង​ទឹកប្រាក់ ​១១​លានអឺរ៉ូ​។ ​នៅក្នុង​កិច្ចសម្ភាស​ជាមួយ​វិទ្យុបារាំង​អន្តរជាតិ​នាថ្ងៃទី​០៣ ខែ​កញ្ញា ឆ្នាំ​២០២៤​នេះ លោក ​ហោ សារុន ​រដ្ឋលេខាធិការ​ក្រសួង​ទេសចរណ៍​បានថ្លែងថា ​សាលា​វិជ្ជាជីវៈ​វិស័យ​ទេសចរណ៍​ទាំងពីរ​នេះមាន​សារៈសំខាន់​ណាស់​សម្រាប់​ជួយ​លើកស្ទួយ​វិស័យ​ទេសចរណ៍​កម្ពុជា​៕