За да успее во животот, човекот мора да има две работи. Прва е среќата–тоа е она кога на човекот му се укажува поволна прилика. Втората е умот, кој му овозможува на човекот да ја искористи дадената прилика, за ова чист пример е Бојана Кацарова, дипломиран доктор по Општа медицина и студент на генерација на Факултетот за медицински науки при Универзитетот Гоце Делчев-Штип. Бојана смета дека кога се работи со љубов и посветеност, успехот е неизбежен. Вели дека најголема желба во животот ѝ била да стане лекар, а тоа подразбира напорна работа и труд.Покрај медицината, Бојана се интересира за пишаниот збор и културата.Нејзина најпрепознатлива карактеристика, покрај знаењето кое го поседува, е тоа што се истакнува како родољубец и желбата да продолжи да работи во Македонија и да придонесе за подобрување на здравството.