Kuunganisha kila shule kwenye mtandao wa intaneti ndio msingi wa GIGA, mradi unaotekelezwa kwa pamoja na mashirika mawili ya Umoja wa Mataifa, lile la kuhudumia watoto UNICEF na la mawasiliano, ITU, yakitekeleza maono ya Katibu Mkuu wa Umoja wa Mataifa Antonio Guterres, mathalani Ajenda ya Pamoja.  Kupitia GIGA pengo la kidijitali linapungua; walimu wanafundisha kwa urahisi, wanafunzi nao wanakuwa wanapata taarifa kwa urahisi na za kisasa. Hata wakati wa COVID-19 GIGA ilikuwa mkombozi ukichanganya na ubunifu pia wa walimu. Lakini ni wapi hilo limetokea? Si kwingine bali Rwanda ambako ufungaji wa intaneti kwenye shule, pamoja na mgao wa vifaa kama vile kompyuta na projekta, au kifaa cha kuelekeza taarifa za kompyuta kwenye ubao, vimeleta mabadiliko kama inavyodhihirika kwenye makala hii kutoka UNICEF na kusimuliwa na Assumpta Massoi.