Pamoja na kwamba juhudi zinaendelea duniani kote kutokomeza mila iliyopitwa na wakati ya ukeketaji, takwimu za Umoja wa Mataifa bado zinaonesha kuwa takribani watoto wa kike milioni 4.2 duniani wako hatarini kukeketwa mwaka huu wa 2023 pekee. Hata hivyo ni harakati za wadau mbalimbali kushiriki katika kutokomeza mila hii iliyopitwa na wakati ndizo zinategemewa kuhakikisha kuwa watoto hawa hawakumbani na madhila hayo. Ikiwa leo ni siku ya kimataifa ya kutokomeza ukeketaji, Robi Samuel Mkurugenzi wa Shirika la Hope for Girls and Women in Tanzania lenye makao yake makuu Mugumu wilayani Serengeti mkoani Mara pamoja na mambo mengine likipambana dhidi ya mila iliyopitwa na wakati ya ukeketaji, yeye mwenyewe akiwa mmoja wa manusura wa tendo hilo la kikatili anaeleza siku hii ya kimataifa ya kutokomeza ukeketaji ina maana gani kwake