2021年12月19日，香港各區車站均出現源源不絕嘅人龍同蛇餅，一家大細都趁住免費乘搭交通工具而出外郊遊，區家麟都唔例外，去咗元朗遊山玩水，相比起當日各區嘅投票站冷清到唔見人龍之餘，投票率亦創新低，只有30.2%，不論關注度定係投入度完全係兩個世界。  30.2%投票率，90 席議席中，建制派取得89個，建制派喺毫無懸念下成為「完善」選舉制度下嘅大贏家。到底喺大比數下當選後嘅香港會係點？冇人知，唯一知道嘅係，2021年12月20日，歡迎大家嚟到「完善後」嘅美麗新香港。  *本節目為個人意見節目

唔知大家有冇留意到一種集體現象，香港人其實唔係好聽廣東歌？ 可能係因為太少產量？可能因為唔夠歐美、日、韓等歌曲好聽？定單純根本對廣東歌冇感覺？然後喺每年頒獎禮前夕就會拋出一句：香港樂壇已死。 直到呢一兩年，廣東歌開始重新走入香港人耳窩，唔單止多咗新歌聽，瘋狂追星嘅現象亦重現眼前。呢一年，廣東歌百花齊放，香港人開始聽返廣東歌，甚至不再似以往抗拒廣東歌。 到底點解成日話樂壇已死，但死極唔去之餘仲會有第二春？樂壇已死？定其實樂壇，根本冇死？ 嘉賓：2019年新人兼唱作歌手吳林峰、立場記者 Sophie BY playlist 廣東歌佔 8 成嘅編導 H

「元宇宙～如無意外～」 就係如無意外會成為比「越位」更加難輕易解釋嘅詞語。因為元宇宙（Metaverse）當中涉及嘅區塊鏈，虛與實嘅分別、去中心化、甚至近期成日聽到嘅NFT都有關連，普遍人聽完肯定會電腦大爆炸，直接好概括咁理解元宇宙=虛擬世界，但參與當中嘅人又會認為，「元宇宙」係現實世界裡面一個「無大台」控制嘅烏托邦。 到底元宇宙係唔係＝虛擬世界？咩叫去中心化、冇大台？又或者點解「元宇宙」會成為咁多人眼中嘅美麗新世界？等就從事研究「元宇宙」嘅實踐者高重建以及黃宇軒，一齊淺入深出地理解咩叫「元宇宙」。 By 聽完已經明晒咩叫「元宇宙」嘅編導H

一間小學向學生播放有關南京大屠殺的片段，美麗新香港下，愛國教育固然是應有之義，但是不是真的要如此「近距離」重溫屠殺畫面？ 當愛國教育被無限推崇至必須做盡，會否變成自己搬石頭砸自己的腳？ 同樣搬石頭砸自己的腳的，還有港府的投票宣傳策略…… *本節目為個人意見節目

#立場節目 #生活的立場 #野豬  有人話，你哋咁愛護野豬，又話要規劃埋野豬，你唔好話規劃埋老鼠？嗯，或者喺某啲人眼中，呢啲比喻好似好完美，不過只要稍為有讀吓倫理，或者會認真思考吓，就會明白，呢啲所謂「論述」，係點樣破綻處處。 就等鹽叔同陳劍青，今晚，用知識嚟打小人。   By 製作組編導 K   ＊＊＊  晚上 22:00 YouTube/Spotify/Apple Podcast 同步播出

#影像博客 #香港電台 #立場新聞 #立場 #立場節目  要經營一個專頁由零去到四十幾五十萬人 likes 絕對唔容易，即使內容高質，亦需要花上以年計嘅時間累積人氣，但最近香港電台竟然一口氣將12個節目嘅社交平台完全刪除，包括《鏗鏘集》、《頭條新聞》等等持續人氣嘅專頁，取而代之係開咗近3個月都只係得106個人likes嘅《香港電台創意組》。   呢個專門sell大陸國劇嘅page，平均每個post嘅likes數唔超過3人，甚至有時更出現0like嘅情況，無論人氣定關注度都同「被刪除」嘅專頁冇得比，唔通《香港電台創意組》嘅創意，就係想憑呢個特別之處，殺出一條新血路？    *本節目為個人意見節目    ＊＊＊＊＊   《立場新聞》影像博客   逢周一 區家麟《美麗新香港》   逢周三 陳珏明《繼續報道》   逢周五 曾志豪《一周頭條新聞》 逢周日 畢明《活姣啲》   他們的聲音，繼續響亮

#立場節目 #生活的立場 #藍奕邦  香港而家好似好開明，好性小眾 friendly 咁，但藍奕邦會話，其實唔係㗎，由歌唱，到電視，再到電影圈，其實仲有好多潛規則，性小眾如果想融入，都係要隱藏自己笑面迎人。   或者，be a bitch。脫離大公司，成為獨立歌手嘅藍奕邦就話，以後都唔忍呢啲嘢！   今集，等我哋聽吓阿邦、知性青年同 Simon，點樣盡情 bitchy，鬧爆啲扮開明嘅人。   By 製作組編導 K

自漁護署喺本月 12 日宣佈「野豬捕殺令」下，17 日內共有 10 隻野豬喺署方行動中被捕捉，其後遭到「人道毀滅」，事態至今持續發酵。 除咗針對漁護署誘捕手法唔人道之餘，大眾亦開始從生活及餵飼慣性反思問題源頭。到底係人類嘅過度發展而霸佔原生物嘅聚居之地？定係現今生活冇辦法做到人豬共存？ 今集，我哋請來陳劍青＠本土研究社、鹽叔＠好青年荼毒室，從殘忍捕殺當中，探討香港城市規劃與生命哲學。 By 生命有價的編導 H

原來區家麟年輕時，曾經是譚詠麟的歌迷。對此，他表示自己正深切反省中。 對於譚詠麟的疑似「愛情陷阱」，區家麟留意到的是，原來譚先生公司的聲明內有乾坤…… 除了譚先生，另一個近日必須提起的男人，便是綽號「洗米華」的周綽華。區家麟說，在國家「共同富裕」的大政策下，周先生的經歷，其實頗令人頓悟。原來錢花了，才是屬於自己的。  說完這兩位風光富貴的男人後，他還想再談一談，一個在某些達官貴人眼中，不太風光富貴的男人。哈維爾…… *本節目為個人意見節目

「以前歌手有新歌要一路聽電台一路抄歌詞，邊似依家網絡發達？」70 後「梅迷」Patrick 羨慕表示。   「啲同學好好奇點解會鍾意一個死咗嘅歌手，啲歌仲要係佢阿媽嗰年代嘅歌，但我就係畀梅姐嘅歌吸引住…」生於 99 年嘅「後梅迷」留情大方承認。   一個生於梅姐年代嘅樂迷，一個生於現今世代嘅樂迷，雖然相隔兩代，但兩者仍然憑歌連成一線，一同傾慕、甚至痴迷著一位故人。對於 Patrick，可能佢懷念嘅唔止係梅姐，仲有當年能夠親身接觸梅姐嘅 good old days；對於留情，即使人人都跟隨潮流追韓星追 mirror，但梅姐留低嘅作品，比任何歌手嘅作品烙印心中，情懷始終未變。   適逢《梅艷芳》電影上映，當年「迷梅」嘅熱潮彷彿重現眼前。18 年過去，時至今日只能感嘆似水流年，即使留下只有思念，但大家對梅姐嘅思念，依然一串串永遠纏。對於你，梅艷芳或者《梅艷芳》呢套戲，又有冇令你回想起舊時呢？   By 浩瀚煙波裡的編導 H   嘉賓：70 後「梅迷」Patrick、90 後「後梅迷」插畫師留情   ＊＊＊  今晚 22:00 Youtube/ Apple/ Spotify...

「山林是你們的也是我們的，為甚麼要霸佔它呢？」——《百變狸貓》(1994)   漁護署的「野豬捕殺令」下，7 隻野豬被即捕即殺。7 條生命，掀起社會無數討論。有人為野豬感到悲痛，亦有人認為人類「自衛是權利」，「人道毀滅」真的很人道。   野豬所犯何罪，罪可致死？是牠們侵擾了人類的家園，還是人類霸佔牠們的家園後，再怪責牠們的「侵擾」？   By 製作組編導 K ＊＊＊ 今晚 22:00 Youtube/ Apple/ Spotify Podcast 同步播出  Facebook 翌日重溫  逢周二，長一智

《梅艷芳》電影大收旺場，評論則天地兩極。不少影評，評論，說的都是大家進去會否哭，會哭多久，哭多少次。區家麟說，電影說的回憶，而令大家覺得無法不哭得肝腸寸斷的，亦是回憶。 但為何「回憶殺」會如此見效？區家麟便說，當過去越美好，現在越崩壞，未來越無望，我們便越想懷念往年… 本節目不含劇透。 *本節目為個人意見節目

這些年，不少人都受情緒病之苦。最難熬的，是它明明是病，卻不似傷風感冒甚至癌症，如何醫治，總有說法。情緒病如何治理？輔導？服藥？每個人的狀況都差天共地，同一個治療師，可能幫到他，卻對你全無幫助。 藍奕邦就是一個例子。經歷多年情緒病，甚至影響生理至遍體鱗傷，找過多個名醫，但只是帶來二次傷害。 直至今天，他終於慢慢走出來，並寫出新歌《生》，勉勵自己，也勉勵大家要好好活下去。 一起聽聽，藍奕邦的情緒病經歷。 By 製作組編導 K 《生活的立場》#亂世傾閒偈 「我想過離開，但現在想好好活下去」 藍奕邦 X 知性青年 X Simon 晚上 22:00 YouTube/Spotify/Apple Podcast 同步播出

西九 M+ 視覺文化博物館12號開幕，入場人數有成1.6 萬，排隊排到西九海旁。醞釀十五年，M+ 做唔做到「世界級博物館」的級數？裡面又有咩好嘢睇？ 今晚就等黃嘉瀛 KY 和 黃宇軒 Sampson 帶大家一齊行轉M+。 大家歡迎喺度留言或者覆我哋IG Story，分享下你想知道M+啲咩，想睇啲咩，最重要係記得今晚2200 準時 Youtube見！ 今晚 22:00 Youtube 直播 Apple/ Spotify Podcast 隨後播出 Facebook 翌日重溫 逢周二，長一智

網絡時代下，大家生活都似乎很方便。要找甚麼，看甚麼，上網，搜尋，應有盡有。雖然大家都知道，我們的搜尋習慣，其實會被分析，從而得知我們喜歡甚麼，再用於營銷。 這些事情大家都不陌生，但有多少人真的會擔心？區家麟便說，當我們的數據都被 Big Brother 知無不盡，我們其實都是商品，在野心家的眼中，我們的數據，便等同新時代的「新石油」。 *本節目為個人意見節目

#立場節目 #生活的立場 上一年傾開計，往往唔係講「How are you？」，而係：「Are you leaving？」。去年至今嘅移民潮令社會洐生出不同作品，反映社會現象之餘，亦憑藉抒發面對離別嘅感受。 以歌為例，今年樂壇有不少流行歌關於離別，包括C Allstar《留下來的人》、蘇豪／許賢《係咁先啦》、RubberBand 《Ciao》、野佬(Yellow!) 《剩低的離開的願可再約定一天再見》等等。 歌曲係反映時代嘅最好產物，同樣香港上一個移民潮亦洐生不少作品，但兩個時期嘅離別歌之間嘅差別喺邊？香港人又如何透過音樂，釋懷被時代拆散而道別嘅感慨與鄉愁？ 今個星期，繼續由6號、阿果以及陳婉婷，用音樂帶大家走進時代洪流當中，以歌盡訴面對離別嘅心聲；6號會即場演唱《Ciao》之餘，亦拆解創作呢首歌嘅背後原因同趣事，一切繼續由音樂再出發。 By冇能力移民嘅編導H ＊＊＊ 今晚 22:00 Youtube/ Apple/ Spotify Podcast 同步播出 Facebook 翌日重溫 逢周二，長一智

打擊走私龍蝦真係咁簡單？ 新任海關關長何珮珊日前會見傳媒時，就話打擊走私澳洲龍蝦可維護國家安全，變相承認中國限制入口涉政治動機，令澳洲向中方追究龍蝦被禁的真正原因。 除咗龍蝦，其他食物都一樣，唔單止係食物咁簡單，仲可以係表達主權的外交手段，甚至可以影響國際貿易。好似韓國就曾經喺招待美國總統的國宴上，加入與日本爭議區域獨島(竹島)的蝦，以宣示主權。 記得留意今晚 10點 #圍爐長知識，有香港國際問題研究所秘書長陳偉信，同大家講下更多食物外交的議題。 By 製作組編導 M 今晚 22:00 Youtube/ Apple/ Spotify Podcast 同步播出 Facebook 翌日重溫 逢周二，長一智

中國網壇著名女將彭帥，日前在其微博自爆曾與前副總理張高麗有過關係。事件爆出後，其微博被刪，內地網民亦無法討論。 區家麟事後翻查資料，發現香港媒體一周間只有兩宗報道。區家麟便詰問，到底香港媒體是抱持甚麼標準去決定報道，抑或不報道這宗新聞？ 對待這宗新聞的準則，與對待其他新聞，又有否雙重標準？ *本節目為個人意見節目

6 號@RubberBand返嚟啦！今次佢仲帶咗首歌上嚟，送畀觀眾～喺佢嘅歌聲加持下，成個錄影廠嘅台前幕後都超興奮！   亦都要多謝幫手彈結他嘅阿俊@Blaster，只係用一支結他，已經將成首歌嘅異國風情帶咗出嚟。講開異國風情，今日 6號同我哋嘅Cat、同埋阿果，就會傾傾音樂點樣反映一座城市嘅面貌，佢哋點樣用音樂嚟了解他城？   又如果，要用一首歌嚟代表香港，大家會用咩歌？  By 製作組編導 K   ＊＊＊  今晚 22:00 Youtube/ Apple/ Spotify Podcast 同步播出 Facebook 翌日重溫 逢周四，喘口氣  《立場》YouTube：https://www.youtube.com/standnewshk

2019 年至今，超過 10000 人因社會運動被捕、2600 人被檢控，至少 1000 人負上法律後果，不少社運參與者身陷囹圄。牢獄過往對很多香港人來說，都是那麼遠，卻突然變得這麼近。 「皇家飯」的味道、冬嚴寒夏酷熱的惡劣環境固然難受，但今集的嘉賓，曾因參與反修例運動而入獄的前中大學生會會長區倬僖說，最令囚友痛苦的，是令人失去自我，變成一組號碼的規則。他也說，有囚友在自由後，已經失去選擇的能力，因為在獄中所有事都被安排好，已經被「disable」了。 今集區倬僖會與之前勤於公務探訪的前區議員陳劍琴，與大家分享獄中生活，到底紀律與人權，是否不能共存？所謂的紀律究竟是一種教導，抑或只是一種方便工作的手段？By 製作組編導 M

玩得交友app，無非都係想喺茫茫人海中成功match到一段良緣，成功出pool，但正所謂「Your face your fate」，尤其喺「認真便輸了」嘅網絡世界入面，唔係咁容易㗎葉師傅。 之但係，唔知幾時開始，玩交友app嘅人好容易被污化名，男人會被定形做「厹」、女人就會被標籤為「臭X」，擴闊圈子嘅行為變成十惡不赦，到底係交友app嘅世界咁險惡？定係人類本身就係咁險惡？ 就等做開兩性關係研究嘅黃嘉瀛、同研究交友程式嘅學者Sam，用生活例子同大家走入呢個交友app嘅深海！ By 情場無敵手編導H

曬名牌、名車、名錶就話啫，依家居然可以曬JPG？一張 Right Click Save 都做到的JPG，要 5 億港紙先買到？ 閒閒地億億聲的就係 NFT（Non-Fungible Token 非同質化代幣）！究竟NFT有咩魅力，連奧斯卡影后Reese Witherspoon都入手？ 講到NFT，就要先由區塊鏈（Block chain）、加密貨幣（Cryptocurrency），同 DeFi（為Decentralized Finance 去中心化金融）講起。 係咪聽落一頭霧水呢？唔緊要！今晚10點，就等初創企業創辦人李勁華，同埋依排聲稱因為學術研究而 24-7 玩 NFT 嘅Sampson，同大家講下咩係NFT？最初用來做咩？未來趨勢？ 警告：投資涉及風險，本節目並非提供投資建議 By 製作組編導 M 今晚 22:00 Youtube/ Apple/ Spotify Podcast 同步播出 Facebook 翌日重溫 逢周二，長一智

區家麟話，新香港下有好多詞彙大家都要識，例如「政治化」。咩係「政治化」？中國唔准澳洲龍蝦入境，算唔算政治化？本身中國唔批准龍蝦入口，係基於好堂皇嘅理由，例如防疫。但新任海關關長嘅一番話，就似乎將一啲本身唔應該宣之於口嘅嘢，坦坦白白咁講出嚟。 呢啲，就係政治化。新香港好鍾意叫人唔好政治化，但其實官員們，每日嘅言行，都政治化。 *本節目為個人意見節目

喺英超，曾經有 3 個傳說： 1）利物浦拎英超冠軍 2）列斯聯升英超 3）紐卡素賣盤  頭兩個傳說都已經喺前年,，已經相繼被打破，但估唔到連賣盤賣咗超過 10 年嘅紐卡素，終於喺兩星期前成功由身家坐擁 320 億美金、仲有錢過 PSG、曼城富商嘅沙特王儲穆罕默德接手，護級份子一躍成豪門。  但係，原來呢個沙特王儲嘅背後，竟然曾經被國際間指稱係滿手鮮血嘅殺人兇手？連特赦組織同人權組織都要𥄫到佢實一實？到底呢個沙特王儲係咩來頭？忽然入主實力唔勁嘅紐卡素，到底係唔係想「洗白」？  就等捧咗紐卡素超過 20 年嘅陳朗昇、同足球狂迷陳裕匡，同大家亂世講波之餘，解開呢個沙特王儲嘅神秘面紗！  By 撐阿仙奴嘅編導H