牛年嘅農曆年初二，大家嘅一年一度親戚問答大會有無因為疫情而停賽？ 到咗合法適婚年齡，最常就係俾人問有無拍拖呀、幾時結婚呀 結婚唔係簽隻字咁簡單！ 已婚男性就係社會價值入面成熟、負責任嘅表現？ 婚姻嘅幌子又可以用幾耐？想呃人嘅話你預備好呃一世未？ 唔止有錢人要簽婚前協議，形婚進步到系統化搵埋律師傾掂數？ 做愛、造愛，造出愛來時點樣去維繫住家人嘅情感？ 結婚生仔都做齊喇，同志身份又何去何從？ 今集繼續請到嘉賓「博士」為我哋講涉及同志嘅婚姻有咩大小故事 亦都希望大家喺別人嘅故事入面有所得著，關懷弱勢及不幸嘅一群 繼續追求平等及自由嘅幸福 ---------------------------------------------------------------------------------------- 花生按：推薦大家睇一本由專門研究性別議題的學者江紹祺為作者嘅書「男男正傳：香港年長男同志口述史」 本書正是話題電影「叔．叔」嘅原型 書中有十二位年長或現已過身嘅有同性戀傾向嘅年長男士嘅個人經歷 喺「同性戀」意識仲未喺社會普及嘅年代，佢哋如何生活如何自處 有啲跟從社會意識形態結婚生子；亦有啲自命不凡拒絕隨波逐流 從中都了解到好多喺不遠嘅年代前同志嘅生活到底係點，同依家有咩分別 非常值得一看！ 備註：本書被評為18禁，敬請留意 https://p-articles.com/heteroglossia/1309.html --- Send in a voice message: https://anchor.fm/secretgayroompodcast/message