All episodes of أمومة شو

#015: الزبـدة

في الحلقة الأخيرة من موسمنا الأول قررنا نرجع لكل المواضيع اللي اتكلمنا عنها في الحلقات اللي فاتت. سألنا بعض عن أهم النقاط اللي اتعلمناها في كل حلقة وعن تجربتنا في تسجيل بودكاست لأول مرة. انبسطنا واتعلمنا أكثر من ما اتوقعنا في أول ١٥ حلقة لنا ، ومتحمسين للمواسم القادمة معاكم.

Published 03/15/21

Omoma Show

Published 03/15/21

#014:لكل طفل شعاعه - الجزء الثاني

اليوم نكمل نقاشنا مع سماح باخطمة عن نادي إضاءة وطريقتهم المميزة في تعليمهم للقرآن وتحبيب الأطفال فيه ، وكمان ناقشنا استخدامهم للأنشطة الحسية وأثرها على نفسية الأطفال وقدرتهم على التعلم. في الأخير سألنا سماح عن أفكارها لتهدئة الأطفال (والكبار) في لحظات الغضب واتكلمنا عن أهمية التواصل مع الأطفال وكيفية إعطائهم الفرصة للتعبير عن شعورهم

Published 02/08/21

#013: لكل طفل شعاعه

في حلقتنا هذا الاسبوع استضفنا صاحبتنا سماح باخطمة. سماح وأختها إيمان أسسوا نادي إضاءة للأطفال في جدة واليوم حبينا نتعرف عن طرق التعليم عندهم. اللي لفتنا في النادي إنهم يؤمنوا بأنه لكل طفل شعاعه ، وكل طفل ينموا ويتعلم بطريقة مختلفة. من هذا المبدأ ، سماح وإيمان بيتبعوا أساليب مختلفة في التعليم مع كل طفل حسب شخصيته ، حتى في تعليم القرآن. في آخر الحلقة ، سماح أعطتنا أفكار لأنشطة مختلفة تتطلب أدوات بسيطة جدا تكون تقريبا متوفرة في كل بيت. جربنا بعد الأنشطة مع أطفالنا ولقيناهم جالسين نص ساعة بدون...

Published 01/21/21

#012: اكتئاب ما بعد الولادة - الجزء الثالث

حنكمل سلسلة حلقات اكتئاب ما بعد الولادة وهذه الحلقة هي الجزء الثالث و الاخير من هذا الموضوع. سألنا منتهى في هذه الحلقة ايش الية علاج الاكتئاب اذا الام اتشخصت به و كيف ممكن الزوج يساعد في موضوع الاكتئاب و ايش المراكز اللي تنصح بيها وممكن تساعد الام في رحلة العلاج.

Published 01/06/21

#011: اكتئاب ما بعد الولادة - الجزء الثاني

اليوم نكمل حوارنا مع منتهى منياوي (مساعد أخصائي نفسي) عن اضطراب اكتئاب ما بعد الولادة. في الحلقة الثانية ناقشنا أسباب الاضطراب وركزنا على الاستعدادات اللي ممكن نعملها قبل الولادة عشان نتفادى الاكتئاب بعدها

Published 12/22/20

#010: اكتئاب ما بعد الولادة

كل أم تعرف تأثير الهرمونات في الحمل والولادة. لكن أحيانا التغيير اللي تحسه الأم ما يكون بس هرمونات، ويكون اكتئاب ما بعد الولادة. للأسف كثير ناس ينقصها الوعي بمعنى الاكتئاب ، ولهذا السبب ، نسمع في مجتمعنا جمل زي "ما فيكِ إلا العافية" ، "طبيعي كلنا حملنا وولدنا" ، "لا تقولي لأحد عندك اكتئاب". بس في الحقيقة ، الاكتئاب موجود وحقيقي وشائع ولازم يتعالج استضفنا في حلقتنا منتهى منياوي (مساعد أخصائي نفسي). سألناها عن أسباب الاكتئاب والحلول وكيف الناس اللي حولنا ممكن تساعد. وطبعا كالعادة ، حكينا عن...

Published 11/29/20

#009: ساعة لنفسي

مع مشاغل الحياة والحوسة مع الأطفال وكمان الكورونا ، طبيعي الوحدة أو الواحد فينا ينسى نفسه. تعدي علينا أيام وممكن شهور بدون ما ناخد وقت لنفسنا نرتاح فيه ونشحن طاقتنا من جديد في حلقة اليوم ناقشنا أهمية تخصيص ساعة لنفسنا سواءً للأم أو الأب. اتكلمنا عن معنى الساعة لنا وكيف نحب نقضيها ، واقترحنا أفكار بسيطة وكيف ممكن تعمل فرق مع أي شخص

Published 10/28/20

#008: في الجنة كهاتين

أغلبنا صرنا أمهات بعد رحلة حمل وولادة، وبعضنا صاروا أمهات عن طريق الاحتضان. في الحالتين بنمر برحلة الأمومة بحلاوتها ومصاعبها.. حلقة هذا الأسبوع قريبة من قلبنا ، استضفنا عريب الجوهري. حكتنا عن تجربتها في الاحتضان والسعادة اللي دخلت بيتهم مع إبراهيم. واتكلمنا عن العقبات والتحديات اللي ممكن تواجهها الأم الحاضنة.

Published 09/21/20

#007: أمهات رائدات - الجزء الثاني

اليوم نكمل حوارنا مع رائدات الأعمال المُلهمات: موضي الغشيان (مؤسسة Hadiya Registry@) ودينا التونسي (مؤسسة Proud.mama.sa@). اتعرفنا أكثر عن كيف مشاريعهم بتخدم الأمهات وسألناهم عن كيف بيوفوا بين الأمومة والشغل.

Published 08/30/20

#006: أمهات رائدات - الجزء الأول

إنك تبدئي مشروع أو تأسسي شركة من الصفر موضوع يتطلب وقت ومجهود كبير جدا. أضيفي فوقها إنك أم وعندك أطفال في البيت، يصير الموضوع أصعب بأضعاف المرات. في دي الحلقة جلسنا مع رائدات الأعمال المُلهمات: موضي الغشيان (مؤسسة Hadiya Registry@) ودينا التونسي (مؤسسة Proud.mama.sa@). اتعرفنا على مشاريعهم وسألناهم عن السبب اللي دفعهم يبدؤوا بزنس يخدم الأمهات وكيف بيقدروا يوفوا بين الأمومة وشغلهم.

Published 07/12/20

#005: كيف نبدأ الأكل؟ - الجزء الثاني

بداية الأكل للأطفال مرحلة حلوة بس محيرة. في آراء مختلفة عن متى نبدأ، كيف نبدأ وايش الأشياء اللي لازم نبعد عنها. في دي الحلقة نحكّي عن تجاربنا في بداية الأكل لأطفالنا وكيف كل واحد فيهم كان له بداية مختلفة.

Published 05/27/20

#004: كيف نبدأ الأكل؟

بداية الأكل للأطفال مرحلة حلوة بس محيرة. في آراء مختلفة عن متى نبدأ، كيف نبدأ وايش الأشياء اللي لازم نبعد عنها. في دي الحلقة نحكّي عن تجاربنا في بداية الأكل لأطفالنا وكيف كل واحد فيهم كان له بداية مختلفة.

Published 05/03/20

#003: تدريب النوم - الجزء الثاني

نسمع كتير إنه طبيعي ما ننام لما يكون عندنا طفل صغير ، بس من خلال تدريب النوم ممكن طفلك من عمر ٤ شهور ينام ١٢ ساعة متواصلة ، وإنتِ أخيرا ممكن تشبعي نوم! ايش هو تدريب النوم؟ كيف ممكن نطبقه؟ ومعلومات أكثر نناقشها مع مدربة النوم رؤيا الغمري.

Published 04/10/20

#002: تدريب النوم - الجزء الأول

نسمع كتير إنه طبيعي ما ننام لما يكون عندنا طفل صغير ، بس من خلال تدريب النوم ممكن طفلك من عمر ٤ شهور ينام ١٢ ساعة متواصلة ، وإنتِ أخيرا ممكن تشبعي نوم! ايش هو تدريب النوم؟ كيف ممكن نطبقه؟ ومعلومات أكثر نناقشها مع مدربة النوم رؤيا الغمري.

Published 03/22/20

#001: الحلقة التعريفية

بودكاست للأمهات نشارك فيه تجاربنا وخبراتنا ، عشان كلنا حايسين في رحلة الأمومة وكلنا في الهوا سوا

Published 03/21/20