1./ ຂ່າວທີ່ໜ້າສົນໃຈ: (1) ທາງການ ແຂວງໄຊຍະບູຣີ ກຳລັງສລຸບ ຄວາມເສັຽຫາຍ ເພີ່ມຕື່ມ ຂອງເຫດການ ນໍ້າຖ້ວມກະທັນຫັນ ພາຍໃນແຂວງ ໃນຂນະທີ່ ຊາວບ້ານຫຼາຍຄົນ ເຫັນວ່າ ເຫດການນໍ້າຖ້ວມ ໃນເທື່ອນີ້ຜິດປົກກະຕິ. (2) ວັນທີ 16 ມິຖຸນາ, ທາງການລາວ ກວດພົບຜູ້ຕິດເຊື້ອໂຄວິດ-19 ເພີ່ມ 8 ຄົນ, ຂນະທີ່ ການສັກວັກຊິນ ປ້ອງກັນໂຄວິດ-19 ໃນຫຼາຍຈຸດ ເປັນໄປດ້ວຍ ຄວາມສັບສົນວຸ້ນວາຍ. 2./ ສາຣະຄະດີ: ​ຜູ້​ປ​ະສົບ​ພັຍ​ນ້ຳ​ຖ້ວມ ຈະ​ໄດ້​ຮັບ​ເຄື່ອງ ​ຊ່ວຍ​ເຫຼືອຊ້າ ຍ້ອນ​ວ່າ ໜ່ວຍ​ງານ​ຂອງ​ພາກ​ຣັ​ຖ ບໍ່​ສາ​ມາດໄປ​ແຈກ​ເຄື່ອງ​ຂອງ ບັນ​ເທົາ​ທຸກ ໄດ້​ທັນ​ເວ​ລາ.