我哋係一個基督教Podcast，想透過網絡上嘅傳播，聆聽到大家嘅聲音。同時我哋都希望可以分享到信仰喺呢個時代對我哋嘅意義。 我哋唔係神學家，亦唔係某某教會名牧。我哋只係一班喺信仰上掙扎嘅人。面對世界嘅改變，我哋唔覺得信耶穌係一件輕而易舉嘅事，但亦都唔係遙不可及。我哋願意同大家一齊浮沉，一齊去行。