कार्बी-मिकिर भाषा - "अच्छी खबर"।mp4 //1 KORINTH 13 - Kanghon Thenei1Neli monit atum lapen sining apherangke atum alam hei hei ningjethek settame, jongsi kanghon ave tangte, neli ke arki kedo abitoi, kalite, kangrengding amirdong chot-lo. 2Neli Arnam alam kemontri thek adan do settame, kadokave agian do settame, lapen kadokave akepatu alam chini settame, lapen inglong hei hei aphan kepaterek un, lason akekroi do settame; jongsi kanghon ave tangte neli thangta kali. 3Neli kedo an amar dan pi-et settame, lapen neli methang abang arpum me kephrindutji aphan anta neli chehodai settame, bonta kanghon avete neliphan thang ale ave. 4Kanghon ke ning chepading-o lapen chingkimesen; lake lang un-e-e, chepindakde, ane chepathethe. 5Kanghon ke a-ot langnone, amethang ale rire, aningthithe; kanghon ke alangliphan kehingno keklem akam alakha chebibe. 6Kanghon ke kehing-no akam apot chehok-he, bonta ahok akam apotsi chehok. 7Kanghon ke kadokave asonta chepaningding, kaiketa kekroi che-obupbe, kadokave ason setta ningthebom, lapen kadokave ason setta chechak. 8Kanghon ke jut un-e. Bonta Arnam alam kemontri adan do settame, lake dovervedetji; kechininedet alam keningje adan do settame, lahei hei ke avedetji; kechinithek adan do settame, lake avedetji. 9Pima ilitum akechini lapen Arnam alam kemontri thek adan ke akeplengdam pame kali; 10bonta mo Kechok-lim Abang vang lote, la akeplengdam pameme an avedetji. 11Neli oso akoke, neli inut a-oso asonthak thaksi ningjelo, mathalo, lapen lam ingvailo; bonta neli arta kedo pen mamat neli osomar a-ot hei hei che-olo. 12Non ilitum kethek-longke loji along kethek-longrim aharchi asonthot-lang, bonta mo ke chepangno nosi thek-longji. Nonke neli asapsosi chinichot-lang, bonta mo ke Arnam neliphan kechinipame asonthotsi nelita alangliphan chinipameji. 13Lasi kekroi, ning kethe lapen kanghon, la sonthom ke dover. Bonta la sonthom angbong akethenei ke kanghon helo.