नागा एओ भाषा - "जीवन के शब्द".mp4 //1 KORINT 13 - Temeim Indang1Ni nisungtem aser kotak tenyartem oshi nung jembiaka, saka kü dak temeim melira, ni takuba ola mesüra takushiba yin aküm. 2 Ni sayutsüngitsü sempet liaka, aser miim o ajak aser temetetba ajak metetaka, aser ni tenemtem ajungdoktsüsa tamang tulu liaka, saka kü dak temeim melira, ni kecha masü. 3Ni sensaker mesütsü kü rongsen ajak agüjaka, aser rongtaktsütsü kü mang bendanga  agüjaka, kü dak temeim melira, ni tajangzük maka. 4Temeimi talangka aremzüker aser taochi sayur. Temeimi tenük memeremer, mezümeküm masür mesüra külaka mebenshir. 5Temeimi mesütepi mebenshir, pei asoshi kecha mebushir, ain madoker, tangar majung masüker. 6Temeimi tamajung nung mepelar, saka ochi den pelateper. 7Temeimi ajak benteter, ajak amanger, ajak imlar aser ajak aremzüker. 8Temeim kodanga majentsü. Shin o jembiba otem aliyonga aji süitemtsü; bendanger oshi jembitetba asüyonga aji anenadoktsü, temetetba shisatsüa süitemtsü. 9Kechiyong asenoki tesadang dang meteter aser tesadang dang sayutsüngir. 10Saka tabensaba kodang arudir idangji mabensaba süitemtsü. 11Kodang ni tanur liasü, tanur ama ni bilem, tanur ama ni jembi, tanur ama ni shisadang. Tangbo tain aküm nung ni tanur yimsü endokogo. 12Kechiaser tangbo asenoki tanüdangtsü nung mejangjai angur, saka idangji tejak o tejak na angutsü. Tangbo ni tesadang dang meteter, saka idangji ni kechi koda jungjunga metettsü, aji oda nia junga metettsü. 13Jokorla, tangbo tamang, teimla, temeim, item asem teti lir, aser item rongnung temeim tulutiba.