नागा कोन्याक भाषा - "अच्छी खबर"।mp4 //1 KORINTH 13 - Kenpu Hünghao1 Taowe kahtalan ngao hüyange wangdang shongmokpalanke ngaoyapoi, hüpoi kenpu yenang ma-a; taowe nyam kongpu wüng yejema-a peiwang happu ne meng. 2Hüyange taowe hikon nyüowe oklakne hünghao ngohyapoi, hüyange lowe ngohpu ngao üshei hüyange shingemanpu üshei ngohyapoi hüyange taowe kahtang winne oklakne ütinglakpu üyong ngohyapoi, hüpoi kenpu yenangma-a, tao hangne-o yeje. 3Hüyange taowe üme ngohpu üshei phawe kümyapoi, hüyange ü-püm sheakke winlak jingne phünne phayapoi hüpoi kenpu yenangma-a, taowe küw tüopu hango yenang. 4Kenpuwe nün oknang hüyange shüpshe nang; kenpuwe mük yetak, yongelüowe yehüo; 5O yeta, yeshupe yeling; kenpuwe yoi jingne hango yeyam, mongshih yengai, eiha yemeipu ye i: 6ümengpa me mong yemei, hüpoi ütingpa phei mongmei nang. 7Kenpuwa üshei phei shunang, üsheite mengnang, üshei phei monghümpu angnang üshei phei nün oknang. 8Kenpu aope-o linyetailak. Hüpoi hikon nyüopu ngohma-a, tüopa lintailak. Yee kaiye lamme lamme nyüopu ngohma-a, tüopa laklak. Shinge manpu ngohma-a, tüopa linlak. 9Hangjingne teman shingmanpuwa yewang, hüyange teman hikon nyüopuwa yewang. 10Hüpoi wange ngoipu aope peilakeih, hüwante yewangpupa lintailak. 11Aope tao naha ne ngoh, naha ke taowe ngao, naha ke taowe teih, naha ke taowe juteih. Sha-apa-a lwngmei ne menge taowe naha wanglam winyangki. 12Hangjingne shaapa-a teman-e she-nge me meng-ye-ha-pe ngenang, hüpoi hüwante sheta hei sheta teingelak. Shaapa-a taowe yewangpe shingnang, hüpoi hüwante taowe hangke meimeiye shinge ngoh, hüke muh taowe-o wangngoiye shinglak. 13Tüokhei, shaajihi ütinglakpu, monghümpu, hüyange kenpu tüolan lüm jinjin te ngohnang; hüyange tüolan yo me kenpu sheyongpupa.