شو إلك جلادة ! كل ما إسمع هالجملة كتير بزعل ! إذا مش نحنا كأهل قعدنا ولعبنا مع أطفالنا واستمتعنا معهم بأجمل مراحل حياتهم وأعطيناهم كل الوقت لينمّوا خيالهم ، ويبدعوا، ويخترعوا، ويطوّروا مهاراتهم ومواهبهم، ونخلق تواصل حوار بيننا وبينهم، مين بدو يعمل هالشي؟ ليش عم نختار نجيبهم على هالحياة؟ ما فينا نضلّ عم نزنّ ولادنا عالشاشات وما حدا بدو يعمل مجهود يقعد مع ولادو. أكيد بيحقلّنا نرتاح كأهل، ومهم جداً يكون عنا وقتنا. بس إذا بس عم نركض لنوفرّلهم حياة رغيدة ونملأ حياتهم هدايا ونشاطات ونحنا غايبين أو ما إلنا جلادة نجلس معهم. كل الباقي مش كافي لنموهم الصحي والآمن. هني بحاجة للتواصل والترابط لي بيخلقو اللعب والحوار معهم ! كيف ممكن بأبسط الأمور نتسلّى مع ولادنا؟ تابعوا معي هيدي الحلقة الجديدة من بودكاست 'بكل حب'.