Анхны дугаараараа - "Хүүхдийн эрхийг хамгаалах нь" сэдвээр та бүхэнтэйгээ мэндчилж байна. Хүүхэд бол насанд хүрсэн хүн болгоны санаа сэтгэлд багтах ёстой хариуцлага бөгөөд яг энэ цаг мөчид бидний хамгийн их санаа зовох ёстой сэдэв хэмээн үзэж байна. Удаа дараа Монгол улсад тохиолдон гарч буй аймшигтай, зүрх эмтрэм асуудлууд бидний нийгмийг "Хүүхдэд ээлгүй хот" гэсэн дүр төрхтэй болгов. Бид яагаад хүүхдүүдээ хамгаалах ёстойг, ямар асуудлууд байдгийг, мөн тэднийг яаж шийдвэл зохистой вэ гэсэн нэн чухал сэдвүүдийг бид аль болох богино хугацаанд хэсэгчлэн ярих гэж хичээлээ. "Болдоггүй бор бодлуудыг" маань хүлээн авна уу. Бодол сэтгэгдэлээ чөлөөтэй хуваалцаарай гэж хүсье!