១) អតីតព្រះមហាក្សត្រខ្មែរ សម្តេចព្រះនរោត្តមសីហនុ មានព្រះរាជ​បន្ទូល​បញ្ជាក់ច្បាស់ៗថា កោះត្រល់គឺជាកម្មសិទ្ធិរបស់ខ្មែរ។ ២) ​ អ្នកឃ្លាំមើលសង្គម អំពាវនាវឱ្យ ពលរដ្ឋខ្មែរតាមដានគម្រោង​អភិវឌ្ឍត្រីកោណបន្តទៀត ព្រោះកម្ពុជាមិនដកខ្លួនជា​ផ្លូវការ​ចេញ​ពី​គម្រោងនេះទេ។ ៣) សេចក្តីរាយការណ៍សុីជម្រៅ៖ អ្នក​ឃ្លាំមើល​និយាយថា ទណ្ឌកម្ម​របស់​​អាមេរិកលើឧកញ៉ា​ លី យ៉ុងផាត់​ នឹង​បង្ក​ផល​វិបាក​ដល់​ការ​រក​ស៊ីនៅបរទេស ដែលនឹងធ្វើ​ឲ្យ​ប៉ះពាល់ដល់សេដ្ឋកិច្ចគ្រួសារ​ហ៊ុន។ ៤) ស្ត្រីខ្មែរម្នាក់នៅប្រទេសជប៉ុនអះអាងថា មន្ត្រីបក្សប្រជាជន​កម្ពុជា​គម្រាម​សម្លាប់ និងរំលោភរូបនាង ដោយសារតែនាងហ៊ាន រិះគន់​ការដឹកនាំរបស់​រដ្ឋាភិបាល។ ៥) ​ ​ពលរដ្ឋខ្មែរក្នុងប្រទេសកូរ៉េខាងត្បូង ធ្វើមហាបាតុកម្ម ទាមទារ​ឱ្យដោះលែងអ្នករិះគន់គម្រោងត្រីកោណអភិវឌ្ឍ និងស្តារលទ្ធិ​ប្រជាធិបតេយ្យនៅថ្ងៃទី១៣ ខែតុលា ខាងមុខ។ ៦) អ្នកសង្កេតការណ៍បានថ្កោលទោស លោក ហ៊ុន សែន ដាច់អហង្ការ ជុំវិញការចេញបញ្ជាឱ្យចាប់ខ្លួនសកម្មជនបក្ស​ប្រឆាំងលើទឹកដីថៃ។ ៧) នៅឯមហាសន្និបាតអង្គការសហប្រជាជាតិ-រុស្ស៊ីទាមទារ​យុត្តិធម៌​នៅ​ចំពោះមុខទ័ពអ៊ុយក្រែនវាយលុកចូលខាងក្នុងទឹកដីរុស្ស៊ី។