«Կանաչ Գիրք» փոդքասթը ներկայացնում է ոլորտի փորձագետների հետ հետաքրքիր զրույցներ՝ կլիմայի փոփոխության, էներգետիկայի, մթնոլորտի, ջրային և անտառային ռեսուրսների, էկոհամակարգերի վերաբերյալ։ Փոդքասթի այս էպիզոդում Հրազդանի հ․11 հիմնական դպրոցի աշակերտներ Արինա Հունանյանը և Ռաֆայել Վարդանյանը զրուցում են վերականգնվող էներգետիկայի ավագ մասնագետ Գայանե Կոլյանի հետ: Գայանե Կոլյանն ավելի քան 15 տարի է աշխատում է էներգետիկայի բնագավառում։   Ներկայումս ԱՄՆ միջազգային զարգացման գործակալության Հայաստանի էներգետիկ անվտանգության ծրագրում համակարգում է ինստիտուցիոնալ զարգացման առաջադրանքը։ Էներգետիկայի բնագավառում տեխնիկական գիտությունների թեկնածու է։  Զրույցի առանցքային թեմաներն են՝  - Ի՞նչ  է իրենից ներկայացնում արևային վահանակը և ի՞նչ գործառույթ է իրականացնում։ - Արևային էներգիան անվճար համարել չենք կարող, քանի որ ներդրումներ է պահանջում։ Հետաքրքիր է, թե ինչքանո՞վ են կրճատվում մարդկանց ծախսերը: - Ամեն մեդալ ունի երկու կողմ։ Ի՞նչ բացասական կողմեր ունի այս տեխնոլոգիան՝ արտադրության, տեղադրման, օգտագործման ընթացքում։ Որո՞նք են բնությանը հասցվող վնասները։ - Ի՞նչ է արևային քարտեզը։ - Արդյո՞ք պետությունը խթանում է արևային վահանակների օգտագործումը։