«Կանաչ Գիրք» փոդքասթը ներկայացնում է ոլորտի փորձագետների հետ հետաքրքիր զրույցներ՝ կլիմայի փոփոխության, էներգետիկայի, մթնոլորտի, ջրային և անտառային ռեսուրսների, էկոհամակարգերի վերաբերյալ։ Փոդքասթի այս էպիզոդում Հրազդանի հ․11 հիմնական դպրոցի աշակերտներ Արինա Հունանյանը և Ռաֆայել Վարդանյանը զրուցում են «Էներգախնայողության աջակցության հիմնադրամի» հայաստանյան մասնաճյուղի տնօրեն Աստղինե Պասոյանի հետ։  Զրույցի առանցքային հարցերն են՝  - Երկրի զարգացման մասին խոսելիս «Կանաչ աճ»-ը հաճախ օգտագործվող արտահայտություն է դարձել։ Ի՞նչ է դա նշանակում։ - «Կանաչ աճ»-ը քաղաքականությո՞ւն է, ռազմավարությո՞ւն, միջոցառումների խո՞ւմբ, թե՞ արդյունք։ - Որո՞նք են կանաչ աճի պահանջները։ - Ի՞նչ քննադատություն կա «Կանաչ աճ»-ի վերաբերյալ։ - Արդյո՞ք Հայաստանը կամավոր է գնում «Կանաչ աճ»-ի և ի՞նչ է թիրախավորում։