«Կանաչ Գիրք» փոդքասթը ներկայացնում է ոլորտի փորձագետների հետ հետաքրքիր զրույցներ՝ կլիմայի փոփոխության, էներգետիկայի, մթնոլորտի, ջրային և անտառային ռեսուրսների, էկոհամակարգերի վերաբերյալ։ Փոդքասթի այս էպիզոդում Հրազդանի հ․11 հիմնական դպրոցի աշակերտներ Մարի Սիմոնյանը և Անուշ Ալեքսանյանը զրուցում են «ԷկոԼուր» տեղեկատվական ՀԿ-ի փոխնախագահ, www.ecolur.org կայքի գլխավոր խմբագիր Վիկտորյա Բուռնազյանի հետ։ Զրույցի առանցքային հարցերն են՝  - Ի՞նչ է իրենից ներկայացնում Էկո լրատվությունը և ո՞րն է դրա հիմնական նպատակը։  - Էկո լրատվական ընկերությունները որքանո՞վ են զարգացած Հայաստանում, և դրանց առկայությունը որևէ դրական տեղաշարժ առաջացնո՞ւմ է։ - Արդյո՞ք կա բարդություն էկոլոգիական նորությունները լսարանին հասցնելու հարցում։ Ի՞նչ քայլեր են ձեռնարկվում էկո լրատվական նյութերը հասարակությանը լսելի և հասանելի դարձնելու համար։ - Հայաստանի էկո լրատվականները զիջու՞մ, թե՞ գերազանցում են արտասահմանյան էկո լրատվականներին։ - Ինչո՞ւ հասարակությունը պետք է հետևի էկո լրատվությանը, ի՞նչ «դրդապատճառներ» կան հետևելու համար։ - Որքանո՞վ են հավաստի հայաստանյան էկո լրատվության տրամադրած տեղեկությունները։ Ո՞ւմ կողմից են դրանք ստուգվում։