"Seigneur Jésus, tu viens" - Chant Chrétien en Kurde.3gp / "O Lord Jesus, You Come" - Kurdish Christian Song.3gp KORÎNTÎ I, 15 - Rabûna Mesîh1. Niha birano, ez wê Mizgîniya ku min da we û we jî qebûl kir û hûn tê de dimînin, bi we didim zanîn. 2. Eger hûn wê Mizgîniya ku min daye we hişk bigirin, hûnê bi wê rizgar jî bibin; an na, we badîhewa bawer kiriye. 3. Çimkî ya ku min stand, min berî her tiştî ragihand we. Wisa ku, Mesîh li gor Nivîsarên Pîroz, ji bo gunehên me mirÎşaya 53:5-12 4. û hat veşartin û li gor Nivîsarên Pîroz roja sisiyan hat rakirin.Zebûr 16:8-10 5. Ji Kîfas re, piştre ji diwanzdehan re xuya bû.Lûqa 24:34-36; Metta 28:16-17; Marqos 16:14; Yûhenna 20:19 6 Piştî vê jî, di carekê de ji pênc sed birayî zêdetir kesî re xuya bû; û pirraniya wan hê dijîn, lê hin ji wan razane. 7. Piştre ji Aqûb re xuya bû, piştre jî ji hemû Şandiyan re. 8. Piştî hemûyan jî, ji min re jî xuya bû, ez ê ku mîna zarokekî jiberçûyî me.Karên Şandiyan 9:3-6 9. Çimkî ez, ji Şandiyan yê herî biçûk im. Ez ne hêja me ku Şandî bêm gazîkirin; ji ber ku min tengahî da civîna bawermendan a Xwedê.Karên Şandiyan 8:3 10. Lê ez çi bim, ez bi kerema Xwedê me. Û kerema wî ya li ser min badîhewa neçû, lê ez ji wan hemûyan bêtir xebitîm. Ya rast ne ez, lê belê kerema Xwedê ya bi min re xebitî. 11. Îcar, eger ez an jî ew, em weha didin bihîstin û we jî weha bawer kir.