Í lok árs 2022 setti Ásmundur Einar Daðason, mennta- og barnamálaráðherra, á fót vinnu við að kortleggja áskorun drengja í íslensku menntakerfi og mögulegar lausnir. Í stuttu máli er röksemd kynningarinnar nokkuð einföld; að (1) auka námsárangur drengja snemma. Leiðirnar til þess séu m.a. að veita sveitarfélögum og skólum aðgang að sóknarsjóðum, kennarar fái þjálfun og aðgang að námsefni og skýrum inngrips-og stuðningsverkfærum, sérstaklega í lestri ásamt því að kennarar noti kennsluaðferðir sem ýta undir áhugahvöt til lestrar. Börnin þurfi að hreyfa sig í 10 mínútur á hverri klukkustund og hver kennslustofa þarf að hafa góðan aga og vinnufrið, börn fái áskoranir við hæfi ásamt því að fjölga þurfi karlmönnum í kennslu. Foreldrar þurfa svo að fá leiðbeiningar heim um skýr markmið, þjálfun og verkfæri ásamt því að fjölga þurfi talmeinafræðingum í landinu. Með þessi verkfæri að vopni (2) minnki brottfall drengja í framhaldsskóla og svo (3) eykst innritun karlmanna í háskóla í framhaldinu.