في سنه ١٩٩٤ تم ارسال ام لطفلين لغرفه الطوارئ، و بمجرد وصولها بدأ الفريق الطبي شغله المعتاد علشان ينقذوها، و لكن اللي مكانوش يعرفوه ان المره دي هتكون مختلفه تمامًا عن اي حاجه يعرفوها، و بعد دقايق من دخول الحاله لغرفه الطوارئ تم أخلاء المستشفي بالكامل.

قضيه غامضه استهدفت مصنعي الحلوي في اليابان، حلوي مسمومه في المحلات و مين هو الوحش ذو الواحد و عشرين وجه، اهلا بكم في الموسم الثالث من قصص ميز.

في سنه ١٩٨٩ بدأ برنامج تليفزيوني عن الجرايم يتذاع في البرازيل و كان بيعرض كميه الجرايم البشعه اللي بتحصل في المنطقه بسبب العصابات،و بسرعه بقي أشهر برنامج في البلد كلها و اصبح مذيع البرنامج واحد من اشهر الشخصيات في البلد، و لكن لما الشرطه عرفت اللي بيحصل خلف الكواليس البرازيل كلها اتصدمت، اهلا بيكم في الحلقه الاخيره من الموسم التاني من قصص ميز

لو القضيه دي كانت سيناريو لفيلم رعب محدش كان هيصدقها و كانوا هيقولوا ان المخرج مزودها، لكن الحقيقه هي ان القضيه دي حصلت علي أرض الواقع بكل احداثها الغريبه اللي بدات لما الأختين من عيله أندروز بدأوا يسمعوا اصوات من داخل الجدران 

عجوز وحيده عايشه في منزل لوحدها و علاقتها بالجيران ضعيفه، و في يوم لما واحد من الجيران راح يسأل عليها كانت المفاجاة، قضيه غامضه و حزينه بنهايه غير متوقعه

راجل وحيد في الستينات من العمر قرر يحمي بيته بنفسه من اللص المحترف اللي بيحاول يسرقه، و لكن لما الشرطه اكتشفوا الحقيقه كانت اغرب بكتير مما تخيله و القضيه وصلت للصحف العالميه 

في سنه ١٩٨٨ في ولايه فلوريدا نادله بدأت مناوبه الشغل في واحد من المطاعم المحليه في المدينه، و لما كانت في الشغل فجأة بدأت تحس ان ضربات قلبها زادت بشكل كبير بالرغم من انها مكانتش بتعمل اي مجهود، و بسرعه راحت قعدت علشان ترتاح و لكن ضربات قلبها فضلت في ازدياد و بدأت تحس بتنميل في ايديها و رجليها، و هنا عرفت انها بتعاني من نوبه قلبيه، و لكن في الحقيقه الموضوع كان اكبر من كده بكتير، القضيه هي واحده من اصعب القضايا في تاريخ الشرطه و اكثرهم تعقيداً و اللي كان ليها نهايه غير متوقعه تماما و لم تختر...

في خلال عاصفه تلجيه في سنه ١٩٨٢ واحد من الركاب علي متن الطائرة اللي كانت بتمر بجانب جبل في ولايه كلورادو بص من خلال الشباك اللي جنبه و شاف حاجه غريبه علي قمه الجبل، و لما السلطات وصلوا للمكان ده بعد البلاغ عن اللي الراجل شافه مكانوش مصدقين نفسهم من اللي لاقوه هناك

زوجين قرروا يبيعوا بيتهم و يشتروا يخت علشان يقضوا فيه باقي حياتهم، و بعد فتره من حياه البحر قرروا يبيعوا اليخت لظروف عائلية، و لكنهم اختفوا تماما قبل ما يخلصوا الصفقه، اختفائهم حير الشرطه و لكن بعد تحقيق طويل وصلوا للحقيقه الغامضه لسبب اختفائهم و كانت المفاجاة 

في سنه ٢٠٠٠ مجموعه من الغواصين عثروا علي ورقه سريه في قاع المحيط الشمالي المتجمد، و لما فتحوا الورقه لاقوا انها بتحكي واحده من اكتر القصص المأساوية اللي ممكن يتخيلوها

قضيه اتعرفت بأشهر لغز في التاريخ الامريكي، مستعمره كامله اختفت بدون اي اثر و كل اللي سابوه وراهم هي كلمه واحده محفوره علي شجره، السؤال هو ازاي كل الناس دول اختفوا بدون اي اثر ؟، و هل فعلًا السر ورا  اللغز ده هي كائنات من كوكب تاني ؟

في سنه ٢٠١٤، مجموعه من الأشخاص اكتشفوا مخزن كبير محاوط بأسلاك شائكة في نص واحده من الغابات في نيجيريا، و لما دخلوا المخزن اكتشفوا الرعب الحقيقي اللي مش من الممكن ان حد يتخيله، القضيه مش بس هزت نيجيريا انما هزت العالم كله و كشفت عن كميه الرعب في الجانب المظلم من النفس البشريه تنويه، دي هي الحلقه الاخيره قبل اجازة منتصف الموسم، اما بالنسبه للحلقة الجديده هتكون يوم الخميس١٩ يناير الساعه ٩ انشالله 

شابه عايشه في مدينه بجانب نهر الراين قررت انها تروح تكمل دراستها في نيويورك، ولكن قبل ما تسافر قررت انها تشارك في المخيم الصيفي في مدينتها كنوع من توديع المكان، و لكنها مكانتش عارفه انها هتقابل أسوأ كابوس في حياتها، قضيه غريبه خرج فيها الكابوس لأرض الواقع

طالب جامعي شغال كمصور لاحدي الجرايد في مدينه كرانبروك و اللي من طبعها الهدوء و معظم الناس فيها عارفين بعض ، و في يوم حصلت حادثة بشعه غيرت هدوء المدينه ، و لما الطالب راح علشان يصور الحادثة مكانش يعرف ان الصور اللي صورها هتغير حياته 

راجل متمرس في الحياه في الطبيعة قرر ياخد بناته الاتنين و يروحوا رحله تخيم ، و لكنهم عمرهم ما تخيلوا النهايه البشعه للرحله دي ، قضيه ماساوية وقعت احداثها في مدينه ماليبو 

طالبه جامعيه في اول سنه ليها حققت كتير من احلامها ، و في يوم اتعرفت علي زميله ليها في الجامعه ، و لكن اللي هما الاتنين مكانوش يعرفوه ان حياتهم هتتغير للأبد و بأبشع طريقة ممكنه ، بعد الحادثة دي ولايه انديانا غيروا القوانين بتاعتهم علشان يمنعوا ان الموضوع يتكرر 

عيلة بتقرر تعزل و تسكن في كوخ في وسط الغابة بعيدًا عن زحمة المدينة ، و في اول اسبوع ليهم في الكوخ كانوا متجمعين مع قرايبهم ، و الاطفال كانوا بيلعبوا في الصاله لما الأهل بدأوا يلاحظو حاجه مرعبه بتحصل للأطفال ، احداث مرعبه حصلت للعيله من ضمنها اكتشافهم لمقبرة اطفال بجانب الكوخ و احلام غريبه كانت بتزور الأم في نومها

وادي نهاني ، الوادي اللي كل القبائل البدائية إللي قعدت فيه أختفوا تماما او هربوا و هما مرعوبين و بيقولوا ان في حاجه كانت بتراقبهم و إن الوادي مسكون ، و لكن اللي مفيش ناس كتير تعرفوا ان الوادي فيه كميات كبيره من الدهب ، و ده اللي خلي اكتر من باحث عن الدهب يروحوا الوادي علي مدار السنين ، و لكن دايماُ كان بيحصلهم اشياء غامضه في وادي  الرؤوس المقطوعه

شاب رياضي و ناجح في مقتبل العمر بيبدأ يتصرف بطريقه غريبه و بينقل سريره لبدروم البيت علشان يحمي عيلته من الشياطين اللي في المكان ، و في واحد من الأيام والدته سمعت صوت في  المطبخ و لما راحت لاقته واقف و بيشرب زيت ، و لكن في الحقيقه دي كانت مجرد البدايه لواحده من اغرب القضايا اللي واجهت الشرطة ، و لكن لما العيلة اكتشفت حقيقة الفتي المبتسم كان الوقت أتأخر 

عيله متكونه من ٤ افراد اتنقلوا لبيت هادي في هاواي و مع الوقت بداوا يحبوا البيت الجديد ، و لكنهم مكانوش يعرفوا السر المظلم بتاع البيت ولا انهم كانوا فئران تجارب، اهلا بكم في الموسم الثاني من قصص ميز 

مربي خنازير مريب بيتحول لمليونير في يوم و ليله و فجاة بتبدا اعداد الستات تختفي في المنطقه ، اهلا بكم في اخر حلقه من الموسم الاول 

هتعمل ايه لو في دكتور مجنون مصمم انه يخطف بنتك ؟ ، و هتعمل ايه لو الدكتور ده مراقب بيتك و كل تحركات عيلتك ؟ ، قضيه صعبه حصلت في السبعينات لطفله عندها تسع سنين ، الشرطه مكاننوش قادرين يساعدوا العيله باي شكل و كان لازم الاب هو اللي يتصرف علشان يحمي عيلته 

هل ممكن الانسان يتحول لحيوان و يفقد ادميته ؟ ، القضيه دي بتجاوب علي السؤال ده ، زوجين في اخر العمر بيختفوا من بيتهم فجاة ، و كل سكان المدينه و الشرطه بيحاولوا يلاقوهم، و مكالمه غريبه بتيجي للشرطه بخصوص القضيه بتزيد في تعقيد القضيه 

في الطبيعي لما الشرطة بيكون عندهم ادلة كتير ده بيسهل حل القضيه و بيخليهم يكشفوا الجاني بشكل اسرع ، لكن العكس تماما بيحصل في القضيه دي ، الادله كتير و لكن الشرطة مش عارفه تحل القضيه ، عيلة مريبه من اب و ام و بنت بيختفوا فجاة بدون اي اثر و لكن بيتركوا وراهم ادله كتير، من ضمنها صوره علي موبايل الاب اتصورت قبل اختفاءهم بفتره قصيره جدا 

شاب في مقتبل العمر كل حلمه انه يكون مخرج افلام ، لكن كل الظروف بتقف ضده في الاول ، و بعد فتره بيبدأ يحقق حلمه و بيكتب نص لفيلم عن قاتل متسلسل ، و القاتل ده كان حقيقي موجود في المدينه بتاعته لكن الشرطه مكنتش قادره تقبض عليه ، و لما إلنص اتسرب و وصل للشرطه ، الشرطه منعته انه يكمل الفيلم و دمرت النص و قرروا يخفوه من علي سطح ألأرض ، قضيه مليانه احداث و لكن بيحصل حاجه في الاخر هتخليك تغير نظرتك للقضيه كلها ، و ايه هي اعترافات القاتل المتسلسل