Reedrydcoach Jillert Anema hat sneon de oeuvrepriis fan Sport Fryslân krigen. 'It orakel fan Bontebok' wurdt priizge foar hoe't er it bêste út syn riders krije kin, mei syn soms ûnkonvinsjonele oanpak. De priis waard útrikt yn 'Sportkafee Bakker en De Vries'. Jillert Annema wie tegearre te gast mei Cambuur-trainer Henk de Jong. Yn de podcast seagen sy mei oare gasten werom op in tal sportive hichtepunten fan it ôfrûne jier. Ek keatser Taeke Triemstra, roeiers Ymkje Clevering en Jan van der Bij en swimster Marrit Steenbergen wiene te gast.