శ్రీతోటకాచార్యకృత తోటకాష్టకం .విదితాఖిలశాస్త్రసుధాజలధే మహితోపనిషత్ కథితార్థనిధే |హృదయే కలయే విమలం చరణం భవ శంకర దేశిక మే శరణమ్ || 1 ||2.కరుణావరుణాలయ పాలయ మాం భవసాగరదుఃఖవిదూనహృదమ్ |రచయాఖిలదర్శనతత్త్వవిదం భవ శంకర దేశిక మే శరణమ్ || 2 ||3.భవతా జనతా సుహితా భవితా నిజబోధవిచారణ చారుమతే |కలయేశ్వరజీవవివేకవిదం భవ శంకర దేశిక మే శరణమ్ || 3 ||4.భవ ఏవ భవానితి మే నితరాం సమజాయత చేతసి కౌతుకితా |మమ వారయ మోహమహాజలధిం భవ శంకర దేశిక మే శరణమ్ || 4 ||5.సుకృతేఽధికృతే బహుధా భవతో భవితా సమదర్శనలాలసతా |అతిదీనమిమం పరిపాలయ మాం భవ శంకర దేశిక మే శరణమ్ || 5 ||6.జగతీమవితుం కలితాకృతయో విచరన్తి మహామహసశ్చలతః |అహిమాంశురివాత్ర విభాసి గురో భవ శంకర దేశిక మే శరణమ్ || 6 ||7.గురుపుంగవ పుంగవకేతన తే సమతామయతాం నహి కోఽపి సుధీః |శరణాగతవత్సల తత్త్వనిధే భవ శంకర దేశిక మే శరణమ్ || 7 ||8.విదితా న మయా విశదైకకలా న చ కించన కాఞ్చనమస్తి గురో |దృతమేవ విధేహి కృపాం సహజాం భవ శంకర దేశిక మే శరణమ్ || 8 |