Туркменское Евангелие от Иоанна - Глава 1.mp4 / Turkman Yuhanno Xushxabari - 1-bob.mp4 / Turkmen Gospel of John - Chapter 1.mp41 КОРИНТОСЛЫЛАР 15 - Дирелиш барадакы Хош Хабар1. Инди болса, эй, доганлар, сизе вагыз эден Хош Хабарымы ятладып гечмекчи. Сиз оны кабул эдип, онда берк дурсуңыз.2. Сизе вагыз эден Хош Хабарымы гайым тутсаңыз, ол аркалы халас боларсыңыз. Тутмасаңыз, бидерек ере иман этдигиңиз болар.3. Чүнки мен кабул эденими өрән ваҗып хабар хөкмүнде сизе-де говшурдым. Бу хабар, ине, шундан ыбарат: Мукаддес Язгылара гөрә, Месих бизиң гүнәлеримиз үчин өлди.4. Ол җайланып, Мукаддес Язгылара гөрә хем үчүленҗи гүн дийленде дирелди.5. Онсоң Иса Месих Петруса 15:5 Петрус – грекче Кепас, бу Петрусың бейлеки ады., соң Онкилере гөрүнди.6. Мундан соң Ол шол бир вагтың өзүнде бәш йүзден-де говрак догана гөрүнди. Бу доганларың кәбири эййәм арадан чыкды, йөне аглаба бөлеги хәзир хем дири.7. Соңра Ол Якуба гөрүнди, соң ресулларың әхлисине гөрүнди.8. Иң соңунда болса маңа, ягны шейле дереҗә асла мынасып болмадыга гөрүнди.9. Чүнки мен ресулларың арасында иң кичисидирин. Мен хатда ресул адыны алмага-да мынасып дәл, себәби Худайың йыгнагына азар берипдим.10. Эмма мен нәхили болсам-да, диңе Худайың мерхемети аркалы шейле болдум. Онуң маңа эден мерхемети пуҗа чыкмады: мен хеммелерден-де көп зәхмет чекдим. Аслында муны мен дәл-де, маңа яр болан Худайың мерхемети этди.11. Шунлукда, исле мен болайын, исле-де бейлеки ресуллар болсун – тапавуды ёк: биз бу Хош Хабары вагыз эдйәрис, сиз-де оңа ынандыңыз.