今集怒氣當頭，可能有少少mean，細數一啲我頂唔順既事，例如寫錯字、已讀不回等...同場加映茶理妹妹既分享。

搬入黎梅窩，忙坐車，忙freelance，荒廢咗個podcast，到想錄音時，怕無人再聽，隔離座鄰居鬧交爆粗聲，令自己卻步...趁想逃避寫稿，勇氣未算最低時錄咗佢，希望大家原諒我無厘神氣啦。

今集嘉賓James曾經喺澳洲留學，當年試過去主流戲院睇戲，無字幕聽唔明英文，有少少挫敗(英國主流戲院都一樣)，結果喺Arthouse cinema搵到樂趣，嗰度放映既電影有字幕，仲令佢對文化藝術產生興趣添。

近來無更新podcast，因為忙於搬屋，希望大家仲記得。在倫敦搬屋唔難，行裝少，唔使自己買傢俬，返香港一年，一係唔搬，一搬就向高難度挑戰，去大嶼山，仲有奇妙經歷--單車失而復得，日日新鮮。

今集繼續有《投資唔講廢話》主持人阿樂，分享畢業幾年做過啲咩工，睇唔出佢年紀輕輕，對升職加人工有獨特但忠於自我既見解。

當你轉工或接job，少不免要開個價，當唔同人以唔同理由想壓價，你會逆來順受，定係好清楚自己應得既價錢?錢唔係單一標準，衡量事物既價值，今集亦會講下自由定價既概念。

今集請黎呢排好紅既podcaster阿樂，佢係《投資唔講廢話》既主持人，簡單分享開channel、投資既原因，亦會講少少旅行，不過我邀請佢既時候，搞出一個天大誤會。意猶未盡唔使擔心，仲有續集。

黎到大不列癲佬終極篇，有居英港僑說，居於海外，思念港式或中式食物的人，擁有一個「華人的胃」。大不列癲佬念米線，我卻念蛇羹，希望大家聽完唔好嚇親。

大不列癲佬喺倫敦從事金融業，究竟佢點樣搵工，職場生活係咪多姿多彩，職場文化同香港有乜唔同呢?聽完自有分曉。

今集嘉賓係住喺倫敦既金融才俊大不列癲佬，佢除咗文質彬彬，係立場博客，facebook專頁有二千幾人like，仲係靚聲王，幾年前做過電台主持既佢，黎緊再喺大氣電波出沒，大家記住留意啦。

插畫師含蓄在今年三月，乘坐日本封關前最後一班航機至當地，展開舊東海道為期41天的徒步旅程，由東京走到大阪，走了超過560公里，為了這個旅程，他更減了90磅，告別肥仔生活。疫症蔓延的旅途風光與別不同，旅伴Jason負責拍照，他加上有趣的插畫，記錄途中的點滴。

今集邀請非暴力溝通導師劍玲同大家分享，我希望大家聽完呢集，會介紹畀身邊嘅朋友，令佢哋知道點樣聆聽自己內心嘅聲音，了解自己及其他人嘅感受同需要。不過前提係顧掂自己先呀！今集內容嘅補充資料，可去ig @sillygirl.wander參考。

藝術家程展緯最近根據銅鑼灣Don Don Donki員工的投訴，指出店長不讓收銀員於無客人時坐椅子休息，要求店舖遵守勞工處指引，給予員工在適當時間坐下休息，Don Don Donki表示會跟進。此外，這事勾起中女在大學時期當超市收銀員，於倫敦當侍應及售貨員，需長時間站立工作的回憶。提提大家，有時要懂得為自己爭居取應有權益，唔好硬食，職業無分貴賤，不論白領藍領，任何打工仔都應備受尊重。

「從何時你也學會不要離群，從何時發覺沒有同伴不行」，很多時候會掙扎應該跟大隊，還是按照自己步伐隨心而行，相信不少人因此迷失過，停一停，諗一諗，再上路，今集就講吓自己做節目既感受，加上最近發生既事，引發我既無聊心態。

受疫情影響，今年大家都成為了不能飛翔的旅人，所以請一位嘉賓，帶大家用耳朵旅行，佢就係阿翔，足跡遍及全球，由去澳洲working holiday，到四圍踩單車，最威水係由香港大埔踩去南非，係一位文武全才又堅毅既旅人，「最美的風景，總是在最艱辛的路上。」正正體現佢旅行既心路歷程。同佢傾下留家抗疫生活之餘，亦帶大家去中亞帕米爾高原單車之旅，同場加映講下旅行遇到二三事，包括煮飯，解決「大小事」等，發現香港人資源充足，其實好幸福。

今集嘉賓阿Jay係Podcast channel 「梳化同學會」嘅主持人，佢嘅年紀⋯細我⋯超過十年，震撼中女弱小心靈，但佢同我傾黃子華、張學友，甚至盧冠廷都知道係乜水，更加令我震驚，心諗係咪做緊一個「流行經典五十年」嘅podcast version，呢集仲係我錄得最開心嘅一次，有少少長氣，希望大家多多包涵。

宅在家生活苦悶，索性搵朋友吹水，錄呢集節目係我第一次同呢位嘉賓傾計，我喺倫敦住喺其中一間屋(唔係怪事發生嗰度)，開心到唔捨得走，我以前住既閣樓，而家到佢接棒。佢叫Sttail，今次聽下佢working holiday既生活，包括倫敦封城前後，當地天氣同日照時間適應，變慳妹既心路歷程，喺香港同倫敦做咖啡師既分別，當然唔少得最近至hit既去留問題。

香港人講work life balance談何容易，手停口停，中女自小視學業事業為人生極重要部分，畀好大壓力自己，人到中年先識放鬆⋯少少，但會怪責自己無能力得到簽證，喺世界各地職場通行⋯係咪太harsh?

小心，膽小勿於深宵收聽，純粹回顧喺香港辦公同倫敦既詭異故事，但現實係，人往往比鬼更恐怖，更值得提防。

唔少後生podcast主持人，算係社會新鮮人，對職場遇見嘅人或多或少有戒心，我好難得做咗oldseafood，大部分同事好nice，就算對方離職仲保持聯絡，其中一位就係Cindy，佢文采飛揚，不過喺⋯9嗰方面，當年仲有同事幫佢開page宣揚。（悄悄話：佢個blog其實好有哲理）

最近大家心情忐忑，「留低是個選擇，離開亦未算放開一切壓抑？」（我opening應該唱呢首🤦🏻‍♀️）有些人為離開鋪路，有人決心堅守。想走嘅，呢集可能為你帶來衝擊，想留嘅，就當聽下異地生活趣聞。（唔好意思，呢集有個技術小瑕疵，望大家見諒🙏🏻）

三分鐘熱度有利有弊，堅持到底彷彿人人欣賞，但都要儲夠勇氣，先可出發同撐到最後，大家加油呀！掙扎！💪🏻

乜都想學，乜都想試，太貪心，好易半途而廢，分享我學音樂同語言，一匹布咁長嘅歷史。

我係名童顏中女，無業搵工中，之前疫情肆虐，乖乖留家，學人開facebook live齋talk，開咗一個月，轉投Podcast懷抱，點解㗎呢？