الخطة كانت اننا مش هنتكلم على المنتخب كثير لإن بصراحة مصر كلها قامت بالواجب معاه بس كان في 3 مواضيع محشورين في زور ويلّو عايز يطلعهم وطبعاً وزّة سخن وال3 مواضيع دول بقوا 6 واهمهم خبرات وزّة في التعالمل مع الإتحاد المصري لكرة القدم ورؤيته لفشلهم الحقيقي بنفسه كأس الأمم الإفريقية امتع بطولة دولية في العالم, لا تناقشني. قصة عودة كوت ديفوار من الموت وخروج حامل اللقب السنغال وخروج وحوش كأس العالم المغرب بسيناريوهات ولا اجدع كاتب كان يعرف يكتبها كلها في بطولة واحدة. اوروبا كان فيها انفجارات...

معلش الحلقة متأخرة يا جماعة بس تستاهل الإنتظار عشان ويلّو و وزة كان مزاجهم رايق واعلنوا بداية عركات مع فصائل كثير زي الجمهور المغربي والإماراتي واحتمال المصري كمان. اكيد اتكلمنا على تأهل المنتخب لدور ال١٦ من كأس الأمم الإفريقية والاتكلمنا على ماتش الرأس الأخضر بالأخص بس الحوار اخدنا لكام موضوع جانبي قوي. اقولى موضوع كان على محمد صلاح بس مش على الزيطة اللي حصلت بعد إصابته لكن على احتفال مصطفى محمد بعد تسجيل هدف مصر الثاني وليه لازم في جزء من الشعب بيتعدى حبه للرموز وبيوصل لدرجة...

نمنا متأخر يوم الخميس وسجلنا بدري يوم الجمعة واحنا مش طايقين نفسنا زي مانتوا شايفين في الصورة عشان نعرف نتكلم ونصيح على منتخب مصر. جمعنا ملاحظتنا على أول ماتشين للمنتخب في كأس الأمم الأفريقية ضد موزامبيق وغانا واتكلمنا فيها او صيحنا فيها. بعدها سريعاً اتكلمنا على ديربي مدريد تاني بين ريال مدريد واتلتيكو مدريد لكن المرة دي كان في الكأس الإسباني والمنتصر كان اتلتيكو بالأشواط الإضافية. الناس بتشتم مورينهو وبتهاجمه بعد إقالته من روما وفي كمان اللي بيقول عليه مدرب فاشل فا كان لازم نعرف الناس...

الحلقة ديه بجد حلوة وهتستمتعوا بيها عشان إتكلمنا في حاجات كتير جوا وبرا الملعب زي إعلانات الشركات المصرية لمنتخب مصر قبل كأس الأمم الإفريقية والهبل اللي حصل في ماتش ريال مدريد واتلتيكو مدريد في السوبر الإسباني في السعودية. جوزيه مورينهو الناس مبهدلاه بعد خسارته في دربي روما من لاتزيو ومستنينه يعمل من القسيخ شربات مش فاهم إزاي يعني واخيراً اتكلمنا على موضوع تسنين اللاعبين في الكرة الإفريقية بعد ما لاعب من منتخب الجابون اتقفش مزور في سنه. (00:00) ايه القلام (01:43) تقييم إعلانات منتخب...

الحلقة الأولى من حلقات قلام كورة من بودكاست إيه القلام مع وزة وويلّو وبصراحة ديه مش الحلقة الأولى أوي ووزة فضح ويلّو اللي كان نايم على اربع حلقات قدام ومانزلهمش بس كل ده عشان يوم ما ننازل ننزل حاجة نضيفة (انا ويلّو اللي بكتب) في الحلقة ديه اتكلمنا على قائمة منتخب مصر لكأس الأمم الإفريقية واتكلمنا على افضل 11 لاعب يبدأوا وأفضل تكتيكات للفريق واكيد فرص المنتخب بالبطولة بعدين روحنا على ليفربول نشوف هيعملوا ايه من غير محمد صلاح اللي متصدر احصائيات الدوري في كل حاجة تقريباً وبعدها روحنا عالسريع...

نيتفليكس عملت كليوباترا سمراء البشرة والمصريين دمهم غلي وشنوا حملات للدفاع عن هويتنا ضد الأفروسنتريسم لكن في شعراية بين الوطنية والعنصرية مش كل الناس بياخدوا بالهم منها وده كان واضح في تفاعل المصريين مع اللي بيحصل في السودان. المهم إن وزة قفش ان كل المشاكل ديه سببها المواطن الأبيض وهو اكبر مستفيد منها وده اللي دخلنا على القضية الفلسطينية و اقتراب السلام بين الطرفيين بسبب الإنشقاقات السياسية في الكيان الصهيوني. واخيراً سؤال الحلقة هو: اتعلمنا ايه في رمضان ده؟

في الحلقة ديه اتكلمنا على تقييمنا النهائي لمسلسل الهرشة السابعة والدروس اللي اتعلمنها منه واتناقشنا في اهم نقطة في المسلسل وهي مواجهة النفس والتغيير. بعدها اخدنا لفّة على باقي المسلسلات زي جعفر العمدة والكتيبة ١٠١ واخيراً قلنا افكار لمسلسلات لموسم رمضان الجاي تكون بنفس واقعية وصدق الهارشة السابعة.

قسمنا المسلسلات في الخانات ديه: أجمد مسلسل - أوحش مسلسل - اكثر مسلسل خذلنا - اكتر مسلسل فاجئنا - مسلسل هنديله فرصة تاني سؤال الحلقة: هل التجارب الأولى احلى تجربة؟ تابعوا وزه على تويتر: @WessamFahmy تابعوا ويلّو على تويتر: @YoussefWael_

رحلة ابتديناها من مواقع التواصل الإجتماعي لاكتر ناس مؤثرين في حياتنا