Ամբողջ աշխարհում հոկտեմբերը նշվում է որպես կրծքագեղձի քաղցկեղի իրազեկման ամիս, որի շրջանակում աշխարհի առողջապահական կազմակերպությունները իրազեկման լայնածավալ միջոցառումներ են իրականացնում՝ փորձելով ավելի շատ մարդկանց տեղեկացնել կրծքագեղձի քաղցկեղի վաղ հայտնաբերման ու կանխարգելման կարևորության մասին։ «Արմենպրես»-ի «Հարց Բժշկին» նախագծի հերթական թողարկման շրջանակում «Նաիրի» բժշկական կենտրոնի կրծքագեղձի ռադիոլոգ Հարութ Շաբուրյանի հետ անդրադարձել ենք կրծքագեղձի քաղցկեղին, հիվանդության կլինիկական նշաններին, առաջացման հիմնական պատճառներին, առկա միֆերին և հիվանդության կանխարգելման աշխատանքներին: