Հայաստանը պատրաստվում է «Հայկական լավաշ», «Հայկական մածուն», «Հայկական բաստուրմա» ու «Հայկական սուջուխ» անվանումները գրանցել որպես «աշխարհագրական նշում»: Աշխարհագրական նշման գրանցումը ենթադրում է, որ այդ մակնշմամբ արտադրանքներն արտադրվելու են որոշակի տեխնիկական պահանջներին համապատասխան ու ունենալու են ավելի բարձր որակ: «Արմենպրես»-ի պոդքաստի տաղավարում այս մասին հայտնեց Էկոնոմիկայի նախարարության Մտավոր սեփականության գրասենյակի ղեկավար Քրիստինե Համբարյանը: