មិនដល់​មួយ​សប្តាហ៍​ផង ​សមត្ថកិច្ច​កម្ពុជា​ចាប់​បាន​គ្រឿងញៀន ​សរុប​ចំនួន​១២០​គីឡូក្រាម ​នៅ​ក្នុង​ភូមិសាស្ត្រ​ខេត្ត​កំពង់ធំ ​និង​នៅ​ព្រលាន​យន្តហោះ​ខេត្ត​សៀមរាប ​ដោយ​ចាប់​ខ្លួន​ជនសង្ស័យ​ទាំង​ពីរ​ករណី​ចំនួន​៦​នាក់ ​ក្នុងនោះ​មាន​ស្ត្រី​២​នាក់ ​និង​បុរស​ម្នាក់​ជា​ជន​ជាតិ​ថៃ​។ ​នាយឧត្តមសេនីយ៍ ​មាស វីរិទ្ធ ​អគ្គលេខាធិការ ​នៃ​អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន ​ថ្លែង​ឲ្យដឹង​ថា ​ការ​ជួញដូរ​គ្រឿងញៀន​ដោយ​រូបភាព​ធំដុំ​បែប​នេះ ​ជា​សញ្ញា​មួយ ​ដែល​ក្រុម​ឧក្រិដ្ឋជន​ព្យាយាម​ចរាចរ​គ្រឿងញៀន​ចេញពី​តំបន់​ត្រីកោណមាស ​ឆ្ពោះទៅ​កាន់​ទីផ្សារ​ប្រើប្រាស់​ ដោយ​ឆ្លងកាត់​កម្ពុជា ​និង​មាន​អង្គការ​ចាត់តាំង​ច្បាស់លាស់​។