អង្គការ​សង្គម​ស៊ីវិល​ចំនួន ២១​ស្ថាប័ន ដែល​​ធ្វើ​ការ​​លើក​កម្ពស់​សិទ្ធិ​មនុស្ស ​សិទ្ធិការ​ងារ​របស់​កម្មករ​និយោជិត និង​សម​ភាព​យេនឌ័រ​នៅ​កម្ពុជា បាន​ចេញ​សេចក្តី​ថ្លែង​ការណ៍​រួម​មួយ​នៅ​ថ្ងៃទី​ ១​ខែ​ធ្នូ ​ម្សិលមិញ ដើម្បី​ស្នើ​សុំ​ជា​ថ្មី​នូវ​ដំណោះ​ស្រាយ​លើ​បញ្ហា​អាទិភាព​ចំនួន​ ១១​ចំនុច​ទាក់​ទង​នឹង​ស្ត្រី​។ ​ការ​ស្នើជា​ថ្មី​នេះ គឺស្រប​ពេល​នឹង​យុទ្ធនា​ការ​១៦​ថ្ងៃ​លុប​បំបាត់​អំពើ​ហិង្សា​លើ​ស្ត្រី។ ​លោកស្រី​ បុណ្យ រចនា​ជា​ នាយិការ​អង្គការ​ក្លាហាន​ជា​អង្គការ​មួយ​ក្នុង​ចំណោម​នោះ​បាន​លើក​ឡើង​ថា​ សង្គម​មួយ​នឹង​គ្មាន​សន្តិភាព​និង​ការអភិវឌ្ឍន៍​ទេ បើ​ស្ត្រី​នៅ​តែ​រង​ការ​រំលោភ​បំពាន​។