ភ្ញៀវប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFIនៅរាត្រីនេះ គឺ​លោក​ ពេជ អង្គ ជាមេ​ធាវី​​របស់​លោក​ស្រី គាត គឹមលន ភរិយា កវី គង្គ ប៊ុនឈឿន។ កាលពី​ម្សិលមិញ​មេធាវី​ការ​ពារ​ស្នាដៃ​លោក​ គង្គ ប៊ុនឈឿន​បាន​ចេញ​សេច​ក្តី​ប្រកាស​មួយ​​​ ដោយ​ព្រមាន​ចាត់​វិធាន​ការ​តាម​ផ្លូវ​ចំពោះ​អ្នក​លួច​ចម្លង​បទ​ចម្រៀង​ដែល​ជាស្នា​ដៃ​និពន្ធ​របស់កវី​ស្ទឹង​សង្កែរូបនេះ​។ បើ​តាម លោក ពេជ អង្គ «ការ​និពន្ធ​ជា​ការ​ខំប្រឹង​ដោយ​បញ្ញា​ស្មារតី ​ប្រកប​ដោយ​ការ​ច្នៃ​ប្រឌិត​ខ្ពស់ ដែល​គួរ​ឲ្យ​គោរព​។ ​ដូច្នេះ​មិន​គួរ​រំលោភ​សិទ្ធិ​របស់​អ្នក​និពន្ធ ទោះ​ដោយ​ហេតុ​ផល​ណាមួយ​ឡើយ​»។