У першым сезоне падкаста мы будзем размаўляць з аўтаркамі і аўтарамі часопіса пра паэзію, рыфму і верлібры, немагчымасць і матывацыю пісання тэкстаў, а таксама пра іх любімыя вершы. Нашыя героі і гераіні - людзі з адной кніжкай, без кніжак, з мноствам кніг. Яны маладыя і не вельмі, жывуць у Беларусі і па-за яе межамі, пішуць па-беларуску, па-польску, па-англійску, на многіх іншых мовах. Яны - тут і зараз фармуюць тое, што мы называем сучаснай беларускай паэзіяй. Давайце з імі знаёміцца разам!