JACE間公司好大？周街都係佢嘅員工？JACE好鍾意休息？ JACE認為〈間歇性休眠〉可能係自己出過最emo嘅歌曲，原因係外表型格，性格硬朗嘅佢，從來唔會承認自己嘅emo。自從面對過一個連自己都感到陌生嘅emo狀態，JACE終於學會要去擁抱自己嘅情緒🫂 🎙️bluesky.channel & 852multipolar_lorjai Thanks JACE!!

今集再次同Lorjai訪問了雷同二友（自稱閒聊四友）！雷同二友呢排好忙好多搞作，除咗出歌，仲會出碟開show！新歌《靈魂有路》由林家謙作曲，同以往有咩分別？而演唱會籌備進度如何？大家要多多支持雷同二友！

Loong年新開始，同Lorjai試下（希望）每個月錄一集Podcasts分享下該月新歌！ 3月分享咗呢啲歌, 最後仲分享咗Collar演唱會！ 那讓我們一起 MANSONVIBES 張進翹 Butterfly MC 張天賦 feat. Hei Z 希晉 Kwan.T 瑪莉晚安了 林宥嘉 林家謙分擔合唱曲 告訴我 林欣彤 Chosen Family COLLAR

同Lorjai傾下呢兩套戲值唔值得入場支持？建議入場睇咗先可以屌🙏🏻 補充返Ocean 11好似冇11個主角，Ocean 8有8個🙏🏻

話說Mansonvibes係我哋上年希望做訪問嘅歌手，因為《liFe iS…》呢隻EP真好正，緣份令我哋喺Loong年同佢做訪問。Loong年，對於Manson嚟講都係一個大轉變，因為佢正式成為一個獨立歌手自資出歌。而第一首作品就帶嚟同行又溫暖嘅 #那讓我們一起 。Manson提到自己曾被音樂拯救，所以希望自己以歌手嘅身份唱出更貼地令人有共鳴嘅作品。 我根據我對Manson嘅印象諗咗呢幾條二揀一題目，冇諗過每一題對於佢都係咁難嘅選擇。究竟Manson同Mansonvibes有咩分別？想知道Manson嘅選擇，同埋新歌，就睇訪問啦！

Loong年新開始，同Lorjai試下（希望）每個月錄一集Podcasts分享下該月新歌！ 2月分享咗呢啲歌, Lorjai仲分享去咗牙Jer新碟簽名會！ Anson Kong 江𤒹生Guilt Machine 馬天佑 受傷 KALAI 家麗 - Like A Fool SADJAY回復原廠設定 王菀之 我們曾經白頭到老 (電影飯戲攻心2主題曲) Pandora 潘朵拉樂隊 緊急應變逃生法 一二一二 吳保錡, KOLOR Diff Gin Lee 11段回家的路 周耀輝· hirsk 歌曲用作分享用途，如有冒犯版權，請通知下架🙏

我同Lorjai都睇晒今年三套嘅賀歲片，由《飯戲攻心2》、《盗月者》睇到《臨時劫案》，好戲在後頭，睇到最後一套係今年最好睇嘅賀歲片！

Let's Make The Stupid Famous！！！！ ToNick 將於4月份喺Star Hall舉行佢哋嘅第八個專場演唱會《Joy to the world》，解作「快樂至死」。三位成員分別用「盡興」、「活在當下」、「得到寂靜」去介紹呢場演唱會。訪問之後，我感受到呢個係一個以情緒主導嘅演唱會。 除咗介紹演唱會，仲問咗ToNick一啲二揀一題目，同埋了解下ToNick成員係點睇而家嘅網絡風氣，完整訪問仲可以睇YouTube 睇！ #先處理心情再處理事情  主持 bluesky and Lorjai💥

你又有冇設定你嘅「緊急聯絡人」？ 若覺得將這責任加諸很離奇 是我自私 今世最後騷擾的人兒 只想是你 必須是你 很想被念記 即使淡淡微微 Song credit: 緊急聯絡人

今集搵咗位睇咗4場Twins Spirit演唱會嘅朋友嚟講下Twins, 其實細個鍾意Twins都係因為佢哋靚？你哋又鍾意阿Sa定阿嬌多啲？希望下次睇到側手翻🤸🤸 Follow me on IG @bluesky.channel

2023年最後一集Podcast，同Lorjai一齊輕輕回顧2023年嘅樂壇，再輕輕講下對今年叱咤嘅預測！ （建議skip 33:53-55:20 抱歉講漏咗Jeremy）

Sica可能係唯一一個喺幕前呈現社恐性格嘅香港藝人。今次嘅訪問認識到Sica真係好I！仲發現Sica原來會聽好多唔同類型嘅音樂！多謝Sic同兩位陌生人傾咗成個鐘！ 完整訪問仲可以喺YouTube睇～ 主持 Bluesky & Lorjai

相隔十個月，P1X3L終於出咗本年度嘅第一首派台歌《BOMB》！呢段時間三子忙緊咩？究竟出道接近三年但只有五首派台作品嘅P1X3L最缺嘅係咩？今年有機會仲有新作品推出？ Thanks George, Phoebus, Marco @P1X3L 主持 Lorjai & Bluesky

小巧簽過唔同唱片公司亦做過獨立歌手，究竟係咩原因令佢回心轉意返香港再簽公司做歌手？新嘅唱片公司俾到幾大自由度佢？ 《瀟灑》概念嚟自賽斯嘅「意念創造實相」，呢句說話喺小巧決定瀟灑返香港期間一直出現喺佢嘅世界。今集訪問有啲心靈治療嘅感覺，聽吓小巧嘅諗法！ Follow us on IG @bluesky.channel 、Lorjai

最近港產片票房一般，今集同睇咗三次《陰目偵信》嘅Lorjai 傾下近排呢兩套戲有咩做得好同唔好嘅地方！其中一套睇到我想鎅凳🔪？希望香港電影會更好～ 23:35 開始講《陰目偵信》 Follow me on IG @bluesky.channel

今集同Lorjai去咗The Next Wave，沙灘睇Show初體驗！ 雖然主辦安排有待改善，但好開心見到大型音樂節，同埋希望多啲品牌願意Sponsor大大小小嘅音樂活動！ P.S. 頭7分鐘喺會場錄比較嘈～

今集訪問了Lorjai喜歡多年嘅雷同二友，由舊時講到新歌《路仍長》。訪問之後，我完全明白到點解雷同二友嘅歌有咁大嘅感染力！

仲有幾日就放榜！相隔一年再次同呀Dark做訪問，首先當然要關心下佢考DSE考成點啦 ✍️！大家都可以估下佢DSE嘅成績！我就想送啲祝福俾佢，祝佢有嘟嘟分啦！原來呀Dark暫時就只係打過一份工⋯⋯真係好幸福！雖然今次 #會議終結者 參與嘅部分就以往少，但佢有份畫MV嘅公仔㗎！Dark未來更加係向曲詞編監發展，希望自己包辦更多歌曲嘅製作！ Follow me on IG @bluesky.channel

雖然Phoebus上年以兩首慢歌出道登場，但其實佢一直都以做跳唱歌手為目標！由造星開始，佢每一次比賽都選擇跳唱歌為表演項目！其實新歌〈Bad〉原本係叫「以作品說壞」！咁Phoebus做過最壞嘅事係咩？而Phoebus又有幾壞？ P.S. I am so sorry...Phoebus靚仔到電親我枝咪，今集嘅音質有啲差，嚟緊我會放字幕版上YouTube

喺深水埗300蚊可以做啲咩？藝術家都有SEN？今集同呀姐即興去咗深水埗訪問藝術家MIKI HO嘅人人畫社展覽！ 關於展覽嘅資料請去返佢IG睇 @mikihoooo 特別嗚謝Miki幫Bluesky設計嘅logo，請多多支持佢！ Follow me on IG @bluesky.channel

相隔半年再次同呀Yan做訪問，聽返上次嘅訪問發現呢半年佢都有幾大轉變，究竟點解佢會由隱世歌手變到而家打開YouTube就見到佢？用多咗Social media 係因為科技進步？公司有喺連登請打手？點解會用sexual tension嚟形容〈WANT〉？原來呀Yan對紋身有好多幻想喎😈💥！ Follow me on @bluesky.channel

相隔接近一年再次同Aiden做訪問，今次不停被Aiden大佬挑戰👿 出道一年令Aiden最大嘅轉變係更重視「人」！靚仔Aiden唔介意被稱為偶像派，因為一個偶像為自己嘅舞台其實都下咗好多苦工！感情中完全理性唔係人！水瓶座嘅Aiden想用新歌〈單曲循環症〉教大家以用理智角度去睇感情, 清醒啦！ 今次仲有Lorjai一齊做訪問！Follow me on IG @bluesky.channel

第一次同聽眾吹水，兼職喺media做嘅聽眾分享咗啲「傳」嘅消息，事隔一段時間，當中有真有假，所以平時見到報道用「傳」呢個字真係唔可以盡信！！！ 大家有興趣都可以喺IG DM我，有機會嘅話都可以一齊吹下水～