គណបក្ស​សង្រ្គោះ​ជាតិ​នៅ​ថ្ងៃទី២ ខែ​វិច្ឆិកា បាន​ចេញ​សេចក្តី​ថ្លែង​ការណ៍​ថ្កោល​ទោស​ចំពោះ​រដ្ឋាភិបាល ដែល​បាន​ប្រើប្រាស់​កង​កម្លាំង​ប្រដាប់​អាវុធ​គ្រប់​ប្រភេទ រួម​ទាំង​អាជ្ញាធរ​អាកាស​ចរណ៍​ស៊ីវិល​កម្ពុជា ក្នុង​ការ​រារាំង​ការ​វិល​ត្រឡប់​របស់​លោក សម រង្ស៊ី​។ រូប​ភាព​បែប​​នេះ ត្រូវ​បាន​អតីត​បក្ស​ប្រឆាំង និង​អ្នក​វិភាគ​នយោបាយចាត់​ទុក​ថា ជា​រូបភាព​បំភ័យ​ពលរដ្ឋ។ ហេតុ​អ្វី​ចាំបាច់​ប្រើ​កម្លាំង​ប្រដាប់​អាវុធស្កាត់​ការ​វិល​ត្រឡប់​របស់ លោក សម រង្ស៊ី​?