នៅ​ក្នុង​ពិធី​ប្រគល់​សញ្ញា​បត្រ​ដល់​និស្សិត​សាកល​វិទ្យាល័យ​ធន​ធាន​មនុស្ស​ប្រមាណ​ជា​២ពាន់​នាក់ នា​ព្រឹក​ថ្ងៃ​ចន្ទ​ម្សិល​មិញ នៅ​វិទ្យា​ស្ថាន​ជាតិ​អប់រំ លោក​នាយក​រដ្ឋ​មន្ត្រី ហ៊ុន សែន បាន​ថ្លែង​ថា ប្រទេស​អាស៊ាន​មួយ​ចំនួន​ក៏​មាន​បញ្ហា​ជាមួយ​សហ​ភាព​អឺរ៉ុប​ដែរ មិន​មែន​មាន​តែ​កម្ពុជា​មួយ​នោះ​ទេ​។ លោក លោក ហ៊ុន សែន បាន​លើក​យក​បញ្ហា​របស់​ប្រទេស​ម៉ាឡេ​ស៊ី និង​ឥណ្ឌូ​នេស៊ី មក​បង្ហាញ ហើយ​ថា​ទំនាក់​ទំនង​រវាង​សហ​ភាព​អឺរ៉ុប និង​អាស៊ាន កំពុង​ស្ថិត​នៅ​លើ​ទិដ្ឋ​ភាព​មួយ​មិន​សូវ​ជា​ល្អ​។ ជុំវិញ​បញ្ហា​នេះ តើ​អ្នក​ជំនាញ និង​អ្នក​តាម​ដាន​សង្គម ក៏​មើល​ឃើញ​ស្ថាន​ភាព​នៃ​ទំនាក់​ទំនង​រវាង​អាស៊ាន និង​សហ​ភាព​អឺរ៉ុប មាន​ស្ថាន​ភាព​ផ្សេងៗ​គ្នា​ដែរ​។