នីតិវិធី​ឈាន​ទៅ​ទម្លាក់តំណែង​ប្រធានាធិបតី​អាមេរិក​បាន​ឆ្លងចូលដល់​ដំណាក់កាលមួយថ្មី។ នៅ​ថ្ងៃ​ព្រហស្បតិ៍​ម្សិលមិញ សភាអ្នកតំណាងរាស្រ្ត​អាមេរិក បាន​បោះឆ្នោត​លើ​សេចក្តីសម្រេច​មួយ​ដើម្បី​បើក​ជា​ផ្លូវការ នីតិវិធី​ទម្លាក់តំណែង របស់​លោកប្រធានាធិបតី​ដូណាល់ ត្រាំ។ ភ្លាមៗ លោកដូណាល់ ត្រាំ បាន​សរសេរ​សារ​Twitter ចោទប្រកាន់​ចំណាត់ការ​របស់​សភា​អាមេរិក​ថា ជា​ការតាមប្រមាញ់ មេធ្មប់ ក្នុង​ទ្រង់ទ្រាយ​ដ៏ធំមួយ មិនធ្លាប់មាន​ក្នុង​ប្រវត្តិសាស្រ្ត​អាមេរិក។