ប្រធានាធិបតីបារាំង​បាន​បង្ក​ឲ្យ​មាន​រលករិះគន់ បន្ទាប់ពី​លោក​និយាយ​ចាត់ទុក អង្គការ​បក្សសម្ព័ន្ធ​អូតង់ ថា ជា​ស្ថាប័ន​ដែល​ដូចស្លាប់​ទៅ​ហើយ​នោះ។ នៅក្នុង​បទសម្ភាសន៍​ជាមួយ​ទស្សនាវដ្តី​អង់គ្លេស The Economist ចុះផ្សាយ នៅថ្ងៃ​ព្រហស្បតិ៍​ម្សិលមិញ លោកប្រធានាធិបតី​ម៉ាក្រុង បាន​អំពាវនាវ​ឲ្យ​អឺរ៉ុប​ងើបភ្ញាក់​ដឹងខ្លួនឡើង ព្រោះថា អឺរ៉ុប​មិនអាច​ពឹងតែ​លើ​អាមេរិក​ដើម្បី​ការពារ​សន្តិសុខ​របស់ខ្លួន​នោះ​ទេ។ លោកស្រី​នាយករដ្ឋមន្រ្តី​អាល្លឺម៉ង់ អង់ហ្គេឡា មេរកិល បាន​និយាយ​ថា លោកស្រី​មិន​យល់ស្រប​ជាមួយ​សំដី​ជ្រុលនិយម​របស់​ប្រធានាធិបតី បារាំង​នោះ​ទេ។