វេទិកាសន្តិភាព លើកទីពីរ បើកធ្វើនៅរដ្ឋធានី​ប៉ារីស ដោយមានការចូលរួមពីសំណាក់តំណាងអង្គការ​សហប្រជាជាតិ  ប្រមុខរដ្ឋនិងប្រមុខរដ្ឋាភិបាល ជាង​៣០រូប ព្រមទាំង​អង្គការ​សង្គមស៊ីវិល ប្រព័ន្ធ​ផ្សព្វផ្សាយ សាស្ត្រាចារ្យ​អ្នក​ជំនាញ សរុប​ជាង​៦ពាន់​នាក់​ចូលរួមវេទិកា​សន្តិភាព។ ប្រធាន​បទ​ជាច្រើន ទាក់ទង​នឹង​សន្តិសុខ-សុវត្ថិភាព​​ពិភពលោក នឹង​ត្រូវ​យកទៅ​ជជែក​ពិភាក្សា និងរក​ដំណោះស្រាយនៅក្នុង​ឱកាស​នេះ។