រដ្ឋាភិបាល​អាមេរិក​បាន​ផ្តល់រង្វាន់​ដ៏​ធំ​មួយ​ឲ្យ​អ៊ីស្រាអែល ដោយ​បាន​ប្រកាស កាលពី​ថង្ៃ​ចន្ទ​ទី ១៨ វិច្ឆិកា ២០១៩ លែង​ចាត់ទុក​អាណានិគមកិច្ច​អ៊ីស្រាអែល នៅ​ទឹកដី​ស៊ីហ្សកដានី ប៉ាឡេស្ទីន ថា​ជារឿង​ខុសច្បាប់​អន្តរជាតិ។ នាយករដ្ឋមន្រ្តី​អ៊ីស្រាអែល ស្វាគម​ដំណឹងនេះ នៅពេល​ភាគី​ប៉ាឡេស្ទីន សហភាពអឺរ៉ុប រួមទាំង​អ្នកនយោបាយ​អាមេរិក មក​ពី​គណបក្ស​ប្រឆាំង​បាន​រិះគន់​ជំហរ​របស់​រដ្ឋបាល​លោកដូណាល់ ត្រាំ ដែល​លំអៀង​ទៅ​ខាងអ៊ីស្រាអែល និង​ដែល​គំរាមកំហែង ការចរចា​សន្តិភាព ប៉ាឡេស្ទីន អ៊ីស្រាអែល។