طفلك حزن من اي موقف حصل له ؟ اكيد حتحسي بالإحباط وبالذنب لأنك تعتقدي واجبك انك تخليه طفل سعيد طول الوقت ، و طبعا دا الاعتقاد جدا خطأ لانه طفلك زيك و هو كمان بيشعر بكل الاحاسيس وكل المواقف اللي تحصل تأثر عليه اسمعي دي الحلقة و حتعرفي كيف تتصرفي معاه في مواقف حزنه و زعله

اكيد انتِ كأم اغلب الاحيان تكوني مشغولة خصوصا لو كنتِ أم عاملة ، و ممكن تحاولي توازني بين البيت والشغل وبين اطفالك و نفسك كمان ، لكن لما تجي اللحظة اللي اطفالك يقولوا لك فيها ماما انتِ دائما مشغولة اتوقع انها حتكون من اصعب المواقف عليكي ، بكل بساطة احنا في دي اللحلقة حنعطيكي شوية خطوات سهلة تعمليها مع اطفالك و تخليهم يحسوا بإهتمامك مهما كنتي مشغولة

قاعدة ( نص لي و نص لكِ ) اول قاعدة بنستخدمها مع اطفالنا لتعليمهم المشاركة واكيد هما حيطبقوها عليكِ أول وحدة اسمعي دي الحلقة و أعرفي كيف ممكن تتعاملي مع طفلك في دا الموقف instagram : https://www.instagram.com/umumah.podcast/ website : https://umumahme.com/

طفلك بيتعبك وقت النوم و يفضل يقول لك انا خايف من الظلام ؟ اسمعي دي الحلقة وصدقيني حتلاقي حل بسيط وسريع حيساعدك في دا الموقف instagram : https://www.instagram.com/umumah.podcast/ website : https://umumahme.com/

طفلك يتذكر ،،، موقفنا جدا جميل و مو من المواقف الصعبة اللي تمري بيها مع طفلك لكن تعاملك معاه في دا الموقف حيفرق جدا في نمو طفلك ،،،

أول طريق واساس التعلم هو القراءة ، حنقول لكم في هذه الحلقة تمارين تساعد طفلك على القراءة والخيال إلى ما يوصل لمرحلة انه يروي لك قصة ، اهم حاجة خليكي مستعدة انك تكوني مستمعة صبورة و محفزة لطفلك . instagram : https://www.instagram.com/umumah.podcast/

اول طريق و اساس للتعلم هو القراءة حنقول لك اليوم بعض تمارين تساعد طفلك على القراءة و الخيال الين ما يوصل لرواية قصة ،،،،

طفلك ما يوقف يسألك أسئلة كتيرة وانتي ممكن تكوني مو عارفة ايش اجابتها او ما تكوني قادرة تجاوبي عليه بسبب انك مشغولة وأسئلته مو راضية تنتهي اسمعي دي الحلقة واتعلمي كيف ممكن تتعاملي مع طفلك في زي دا الموقف ،،،

أكيد إنتي كأم مريتي بموقف كنتي فيه بتنادي على طفلك وتظني انه يدّعي بإنه ما يسمعك لكن الحقيقة طفلك منجد مو سامعك و هو بفطرته عنده رغبة و عنده اهتمام كبير بالشيء اللي قاعد يعمله و زي اي طفل طبيعي صعب عليه انه يقاوم هذه الرغبة ،،، 

مو عيب ولا غلط تبكي قدام اطفالك دا شي جدا طبيعي لكن الغلط إنك ما تعرفي كيف تتصرفي معاهم في هذه اللحظة

طفلك ما يمل من انه يبغاكي معاه في كل لحظة ودا الشي يبتعبك جدا تعالي اليوم معانا واعرفي كيف دا الشيء يأثر عليه بشكل كبير ،،،

حاجة مهمة لازم تعرفيها طفلك اذا حس بالحماس ممكن يعمل اي حاجة بدون ما يفكر ،،،، تعالي اقول لك كيف ممكن تتصرفي معاه في موقف زي كدا

اشياء كثيرة ممكن تواجهنا عند العودة للمدارس بعد اجازات غير منتظمة مثل تقلبات النوم صعوبة العودة للروتين لكن توجد اشياء اهم و هي ان تجعلي طفلك يستعد نفسيا لهذه التغيرات و للعودة للمدرسة ،،،

في العيد حتمري بمواقف كثيرة مع اطفالك ممكن تكون شويا صعبة عليكي خليني اليوم اقول لك كيف تعدي دي المواقف ببساطة واخيرا لاتنسي انك انتي الام وانتي اساس البيت وانتي اللي حتكوني متحكمة في فرحة هذا البيت ،،،

https://www.instagram.com/umumah.podcast/

كلنا كأمهات بنخاف نقول لأطفالنا اي حدث حيحصل لنا حلو ممكن يستناه و يخليه يسأل عنه متى حيحصل بإستمرار ، طبعا كثرة السؤال شي جدا يوترك عشان كدا انا حقول لك في دي الحلقة كيف ممكن تفهمي طفلك الوقت و تربطيه بالاحداث اللي حتحصل لكم  

كلنا كأمهات ممكن ننجرح او نتحسس من استمتاع اطفالنا باللعب مع اشخاص مختلفين غيرنا لكن احب اقول لك انه هذه حتستمر لفترة بسيطة لكن احنا حنقول لك كيف تخليها تعدي من غير تحسس او خذلان منك ،،،  

قد دخلتي مكان و جدا طفلك استمتع فيه ؟ اتأكدي انك محا تقدري تخرجي من دا المكان الا بصعوبة كبيرة تعالي انا حقول لك ايش ممكن يشعر في دا الموقف وكمان كيف ممكن تتعاملي معاه 

قد خرجتي مع طفلم وما وقف يطلب منك الجوال ؟ اكيد انتي ما تبغي تعطيه الجوال لكن ممتأكدة انك اذا ما اعطيتيه الجوال حيدخل في نوبة من الانهيار و حتتحول خرجتكم إلى شيء جدا متعب عليكي تعالي انا اليوم حقول لك حاجات بسيطة تعمليها معاها حتسهل عليكي الموقف دا بشكل كبير 

 اكيد انتي كأم بتعاني من لحظة الوداع لما تخرجي و تتركي طفلك عند احد يهتم بيه ،،، تعالي انا حقول لك في دي الحلقة كيف حتتصرفي مع طفلك في دا الموقف . 

اكثر موقف بنمر بيه كلنا كأمهات وهو انه خارجين ومستعجلين والجو بارد برا وطفلك ما يبغى يلبس لبس مناسب للبرد !! في دي اللحظة تعالي حنقول لك ايش ممكن تعملي معاه عشان يعدي دا الموقف بسهولة عليكي ،،،

 ،،، طفلك بيحاول يكون مستقل عنك لكن حقيقي دا الشي بيتعبك اكتر من انه يريحك ! اسمعي دي الحلقة وصدقيني حتلاقي حلول بسيط وسهلة تخليكي تفهميه وتتعاملي معاه بسهولة 

قد طفلك احرجك مع ضيوفك؟ و كل ما يمسكوا لعبة او حاجة حقتو في البيت ينهار !! نصيحة اسمعي الحلقة دي لانو فيها حاجات بسيطة حتخليكي تتعاملي مع انانيته الطبيعية بسهولة وبساطة 

في هذي الحلقة حنقول لك كيف تكوني ام مثالية ،،، او في الحقيقة مافي احد اصلا مثالي ، دايماً كوني نفسك واعملي افضل حاجة انتي تقدري تعمليها  كونك ام اكيد دايما حتكوني افضل شي انتي تقدري عليه ،،،،  في هذا البودكاست حنعرض لكم في كل حلقة مواقف كل يوم احنا بنمر بيها كأمهات مع اطفالنا و حنعطيكم خطوات بسيطة وسهلة ، تساعدكم في التعامل مع اطفالكم في هذي   المواقف اللي ممكن تكون صعبة عليكم وكمان حتلاقوا مقابلات مع امهات ملهمات او نساء اضافو اشياء مهمة في عالم الأمومة والطفل