តាមការ​ចង់​បាន​​របស់​ប្រធានាធិបតី នៅ​ថ្ងៃ​ទី ៧ តុលា​នេះ សភា​បារាំង​បាន​បើក​ការ​តស៊ូ​មតិ ស្តី​អំពី អន្តោប្រវេសន៍ ដែល​ជា​​ប្រធានបទដ៏​ចម្រូង​ចម្រាស​បំផុត។ ​​ជា​ការ​ផ្តោះប្តូរ​យោបល់​រវាង ​សភា និង​រដ្ឋាភិបាល ដោយ​គ្មាន​ឆ្លង​កាត់​ការ​បោះឆ្នោតអនុម័ត​ទេ។ ​ខាង​រដ្ឋាភិបាល​​តំណាង​ដោយ​នាយក​រដ្ឋមន្ត្រី​ រដ្ឋមន្ត្រីក្រសួង​ការបរទេស ក្រសួងមហាផ្ទៃ និង​ក្រសួង​សុខាភិបាល។ ការតស៊ូ​មតិ​បែប​នេះ​មាន​រៀប​ចំ​ធ្វើ​ដែរ​នៅ​ព្រឹទ្ធសភា ​នៅ​ថ្ងៃពុធ។