ជំនួបកំពូល​អាស៊ាន​នៅ​ទីក្រុង​បាងកក ដែល​ទើប​នឹង​បិទបញ្ចប់​ទៅ​កាល​ពីថ្ងៃ​ចន្ទ​កន្លងទៅនេះ ត្រូវបាន​គេ​ដាក់​ក្តីរំពឹង​ច្រើន​​ ទាក់ទង​នឹងការចុះ​​កិច្ចព្រមព្រៀង​ពាណិជ្ជកម្ម​​ដ៏​សំខាន់មួយ ដែល​មាន​ការចូលរួម​ពី​សំណាក់​ប្រទេស​ទាំង១០​ក្នុង​អាស៊ាន និង​ប្រទេស​ជាដៃគូ​ចំនួន ៦​ផ្សេងទៀត។ ក៏ប៉ុន្តែ នៅ​ទីបំផុត​ទៅ កិច្ចព្រមព្រៀង​នេះ​មិន​អាច​ចេញ​រួច ដោយសារ​តែ​ឥណ្ឌា​​មិនឯកភាព ហើយ​ថែម​ទាំង​បាន​ប្រកាស​ដកខ្លួន​ចេញ​ពី​ការចរចា។ តើ​ជោគវាសនា​របស់​កិច្ចព្រមព្រៀង​ពាណិជ្ជកម្ម​សេរី​នេះ នឹង​ទៅ​ជា​យ៉ាងណា នៅ​ក្រោយ​​ការដកខ្លួន​របស់​ឥណ្ឌា ដែល​ជា​មហាអំណាច​សេដ្ឋកិច្ច​ដ៏​សំខាន់​មួយ​នេះ?