តាំង​ពី​ឆ្នាំ​២០១៣​មក ក្រិក​បានបង្កើត​កម្មវិធី​ទាក់ទាញ​អ្នក​វិនិយោគ​បរទេស ដែល​មិន​មែន​​ជា​ពលរដ្ឋ​អឺរ៉ុប ជា​ថ្នូ​រនឹង​ការ​ផ្តល់​សិទ្ធិ​ស្នាក់​នៅ ឬ​ហៅ​ថា​កម្មវិធី​ "ទិដ្ឋាការមាស"។ កម្មវិធីនេះ​បាន​ទាក់ទាញ​អ្នក​វិនិយោគ​ចិន​ច្រើន​ជាង​គេ។ គ្រាន់​តែមួយ​ឆ្នាំ​២០១៨​កន្លង​ទៅ ការ​ផ្តល់​ទិដ្ឋាការ​ស្នាក់នៅ​ពិសេស​នេះ បាន​កើន​ឡើង​៤៦%។ ទោះ​បី​សហភាព​អឺរ៉ុប បានអំពាវនាវ​ឱ្យ​ប្រទេស​ជា​សមាជិក​កាត់​បន្ថយ​កម្មវិធី​ “ទិដ្ឋាការមាស”​ នេះ​ក្តី ក៏​ក្រិក​មិន​ខ្វល់​ស្តាប់ និង​កំពុង​បង្កើន​ល្បឿន​ សម្រួល​សំណុំ​បែប​បទ​រដ្ឋបាល​ទទួល​ចិន​ទៀត។