ចាប់​ពី​ថ្ងៃ​ចន្ទ ទី២ ធ្នូ ទីភ្នាក់ងារ​ថាមពល​បរិមាណូ​អន្តរជាតិ​ហៅ​កាត់​ជា​ភាសា​បារាំង AIEA មាន​នាយក​ថ្មី​ជា​បុរស​ជនជាតិ​អាហ្សង់ទីន​មាន​ឈ្មោះ រ៉ាហ្វាអែល ក្រូស៊ី (Rafael Grossi)។ ការ​ចូល​កាន់​តំណែង​ជា​ប្រធាន​ថ្មី AIEA របស់​លោក​រ៉ាហ្វាអែល ក្រូស៊ី​ពេល​នេះ​បាន​ធ្វើ​ឡើង ក្នុង​ពេល​ដែល​ភាព​តានតឹង​ជុំវិញ​សំណុំរឿង​នុយក្លេអ៊ែរ​អ៊ីរ៉ង់​កំពុង​បន្ត​មាន​យ៉ាង​ផុសផុល។ ដូច្នេះ​ការងារ​អាទិភាព​នៅ​ចំពោះ​មុខ​របស់​លោក​ក្រូស៊ី គឺ​ការ​បន្ត​ជជែក​ជាមួយ​ភាគី​អ៊ីរ៉ង់​នៅ​ជុំវិញ​កិច្ចព្រមព្រៀង​នុយក្លេអ៊ែរ​ដែល​អ៊ីរ៉ង់​បាន​ចុះ​ចុះ​ហត្ថលេខា​ជាមួយ​សហគមន៍អន្តរជាតិ​ក្នុង​ឆ្នាំ ២០១៥។ តាម​រយៈ​កិច្ចព្រមព្រៀង​មួយ​នេះ លោក​ក្រូស៊ី​មាន​សិទ្ធិ​ចូល​ទៅ​ពិនិត្យ​ផ្ទាល់​លើ​ទីតាំង​មជ្ឈមណ្ឌល​នុយក្លេអ៊ែរ​របស់​អ៊ីរ៉ង់។ តើ​នាយក​ថ្មី AIEA ជា​នរណា និង​ថា តើ​អ្វី​ទៅ​ជា​ការងារ​របស់ AIEA នៅ​អ៊ីរ៉ង់?