Wakenya wametoa hisia mbalimbali kufuatia hatua ya Mahakama Kuu kusitisha mchakato wa marekebisho ya katiba kupitia BBI. Majaji watano wa mahakama hiyo wanasema kuwa Rais Kenyatta alivunja sheria kwa kuanzisha mchakato huo; kwamba haukuanzishwa na wananchi wala bunge jinsi inavyosema katiba. Kamati-simamizi ya BBI inakata rufaa. Je, Reggae itarejelewa au la? Wanahabari wetu, John Mbuthia wa Nyeri, Moses Kiraese wa Pokot Magharibi na Martin Ndiema wa Trans Nzoia wameshiriki gumzo na Wakenya kuhusu suala hili.