21րդ դարի երիտասարդներն ապրում են աշխարհի ավանդույթներով․ մեկ–մեկ այնպիսի տպավորություն եմ ստանում, որ բոլոր երկրների մարդիկ նույնն են իրենց կենցաղով։ Մենք հաճախ փոխառում ենք այլ ազգերի տոները՝ չիմանալով, որ հայկական տոնացույցում կա դրանց համարժեքը։ Տարիներ առաջ ես պատահաբար բացահայտեցի հայկական հրաշալի տոնածիսկան մշակույթը՝ իրեն հատուկ երաժշտությամբ, խաղերով, սովորույթներով, և անվերադարձ սիրահարվեցի։ Ես Անահիտն եմ․ Հայեցի փոդքաստում քեզ պատմելու եմ հայկականության, մեր տոների ու ծեսերի մասին, փորձելու եմ ցույց տալ ավանդական կենցաղի գրավչությունն ու վստահ եմ, դու էլ ինձ պես սիրահարվելու ես։