Dán oasis leat earret eará diiddat, gopmit, gufihttarat, noaiddit ja sátnevádjasat. Nubbi jáhkká son ii jáhke dušši dološ áššiide, muhto leaš bat gal áiddo nu?

Mo lea guovtti eatnigielat sámegielaga giellaárgabeaivi duođas? Mo lea min gielladilli? Ovdamearkkat sihke bargosajis, riegádanbeaivvedoaluin, ja muđuid árgabeaivvis. Sámegiella ii oba leatge erenoamáš giella, beaškala vel giellabargi. Ja Báhkkiljogas lea dat áidna rivttes sámegiella, vaaaai?

Jus leat boazodoalli, leago dus de lohpi leat eará dietnasis? Nuppi mielas leat badjeolbmot buidon, nubbi ges ii duostta jienádit maidige dan áššis. Muhto go dásseárvvu digaštallagoahtiba, de gal leat garra oaivilat goappašiin.

Goas lea lohpi geavahišgoahtit gávtti, dahje nuppi guovllu gávtti, ja ferte go lonuhit gávtti jus náitala, ja jus ii lonut, leago dalle hui suohpáheapme?

Mo lea buoremus ávvudit Sámi álbmotbeaivvi? Lemet Aillus ja Ánne Márjjás leat veahá goabbatlágan jurdagat ja vásáhusat Sámi álbmotbeivviin. Ja mo lea Sámi vuohki ávvudit, leago mis sierra vuohki?

Vuosttaš oasis muittašeaba Lemet Ailu ja Ánne Márjá mo lei dalle go lávostalaiga Geaimmejávrris, seammás go oahpásmuvvagoahtiba nubbi nuppiin. Gulat maid makkár fáttáid soai áiguba guoskkahit dán ráiddus.

Somás fearániid bokte oahpásmuvaiga. Dál lágideaba podkasta sámegillii. Soai guorahallaba iežaska oaiviliid iešguđetge servodatáššiin.

- Hør alle episodene først i appen NRK Radio