ហែល​ទឹក​ ជិះកង់ ដើរ ដើរ​លឿន រាំ រត់ ឬ​ធ្វើ​ហាត់​តៃឈី យូហ្កា ។ល។ និង​។ល។ ​កីឡាទាំង​នេះ ជា​ថ្នាំ​ព្យាបាល​ជំងឺ​រ៉ាំរ៉ៃ ! វិទ្យាស្ថានជាតិ​​សុខភាព​និ​ងស្រាវជ្រាវ​វេជ្ជសាស្ត្រ​​បារាំង ទើបបាន​ចេញ​អនុសាសន៍ កាលពី​ថ្ងៃទី ១៤​កុម្ភៈ ២០១៩ បញ្ជាក់​ថា ការ​ធ្វើ​កីឡា​ពិត​ជា​មាន​គុណប្រយោជន៍ជា​​ថ្នាំ ​សម្រាប់ការពារ និង​​ព្យាបាល​ជំងឺរ៉ាំរ៉ៃ​ចំនួន​១១​ប្រភេទ មាន​ជាអាទិ៍​ ជំងឺ​​ទឹក​នោម​ផ្អែម ជំងឺ​សរសៃឈាម​បេះដូង ធ្លាក់​ទឹក​ចិត្ត និង​មហារីក។ តើ​កីឡា​ជា​ថ្នាំ​ព្យាបាល​ជំងឺរ៉ាំ​រ៉ៃ​​អ្វី​ខ្លះ ? តើ​ត្រូវ​ជ្រើសរើស​ធ្វើ​កីឡា​មួយ​ណា ? និង​ក្នុង​កំរិត​ណា ?