ដំឡូងស្ងោ ដំឡូង​ឆឹង ដំឡូង​ចំហុយ ដំឡូង​ជ្វា ដំឡូង​ឈើ ដំឡូង​ដៃ​ខ្លា ​... ដំឡូង​លែង​សូវ​ឃើញ​មាន​លក់ និង​​បរិភោគ​​នៅ​ក្នុង​ប្រទេស​កម្ពុជា ​ តែ​ដំឡូង​កំពុង​​ក្លាយ​ជា​អាហារ​ដ៏​ពេញ​និយម​នៅ​អឺរ៉ុប​ នាពេល​បច្ចុប្បន្ន​នេះ។ ផ្ទុក​ពេញ​ទៅ​ដោយ​គុណ​ប្រយោជន៍​ផ្នែក​អាហារូបត្ថម្ភ​ ជា​ប្រភព​ផ្តល់​ថាមពល វីតាមីន ជាតិ​សរសៃ ដំឡូង​មាន​ឈ្មោះ​ក្នុង​បញ្ជីម្ហូប​កាន់​តែ​ច្រើន​ឡើង។ អ្នក​ជំនាញ​ផ្នែក​ចំណី​អាហារ​បារាំង​បាន​ថែម​ទាំង​ណែនាំ​អ្នក​ចង់​ធ្វើរបប​អាហារ​ឱ្យ​ជ្រើសរើស​ទទួល​ទាន​ដំឡូង​មួយ​មុខ​ទៀត​ផង។