IG專頁： https://www.instagram.com/francopapa.academy/profilecard/?igsh=bm8wcmpkeW02dXRz FB專頁： https://www.facebook.com/francopapa.academy Website： https://franconewpapa.hk/ 「身為一位都市人，有好多負能量都好正常不過吧？」 每日生活總係唔係都事事順利，並都有各種問題要解決、壓力要梳理，如果唔好好搵方法釋放出嚟，好易會積積埋埋，影響心情，產生好多負能量！ 要抒發自己負能量情緒有好多方法，但係，有冇諗過用藝術都可以療癒到自己呢？不論係和諧粉彩、酒精墨水曼陀羅，甚至係咖啡渣黏土，依啲都係用藝術去療癒心靈嘅其中之三！仲有好多其他方法去體驗依啲嘅心靈藝術，就等今集星級嘉賓Franco同大家細說一番啦！

Facebook專頁: https://www.facebook.com/profile.php?id=100086030434570&locale=zh_HK Instagram專頁: https://www.instagram.com/wasbusinessmanagement/ 大件事啦！到月頭啦！一出糧就糧尾.. 我要申請「破產」啦！ 雖然大家將依兩隻字成日提起！ 不過相信大家對依兩隻字嘅内容都比較陌生，都唔希望大家經歷依件事。但係破產上嘅知識，大家都應該要識！例如破產之後真係唔洗還錢？破咗產仲可唔可以番工？ 或者，其實根本就唔需要申請破產？ 歸根究底，一間公司嘅賺多賺少，甚至可能有赤字，其實都好依賴整個公司的財務管理。有良好嘅財務管理可以係公司有困難時絕地求生；但如果我財務管理冇咁好嘅，可能，Wendy會幫到你呢？！😏

Fackbook專頁: https://www.facebook.com/haoyinteahk?locale=zh_HK Instagram專頁: https://www.instagram.com/haoyinteahk/ Youtube專頁: https://www.youtube.com/@haoyintea 「得閒飲茶！」 相信香港人對依句野一定唔佰生，除咗係客氣說話之外，飲茶文化都一定係我哋唔少得嘅文化之一。 但要認真去鑽研"飲茶"二字，當中涉及的禮儀、時間、溫度、存放等等其實都好執着！執着到點呢？執着到有一款茶，係唔可以攞去送比人飲，如果係送比人嘅係唔會賣比你；甚至乎係放上超市嘅難得機會都拒絕咗；再甚至乎由茶源的地方品質都係自己控制！ 講到底，其實都只係希望客人可以品嘗到最新鮮嘅茶，將茶文化推崇比更多人認識！

Facebook專頁: https://www.facebook.com/woheitonghealth?mibextid=LQQJ4d Instagram專頁: https://www.instagram.com/woheitong.hk?igsh=MWEzZ2xtN3N2MDZyeA== 以前細個唔識刮痧依門保健方法，係條街見到有啲人個背紅曬，就以為咁大個人都比阿媽用藤條打。(強調依家教小朋友係唔應該體罰！只係以前會有依回事！) 大個先知原來唔關事。。 刮痧，近排開始咗越嚟越多人認識同多人去做，大家一直對刮痧工具嘅普遍認識都係刮痧板，牛尾骨等等。但！！！！坊間有話可以用玻璃汽水樽蓋、硬幣去刮痧都得，到底用刮咩先好啲？刮痧係咪又越紅越好？ 我哋即係睇睇(但聽聽)到底係咪用Iphone 16 Pro去刮痧都可以啦！

Facebook 專頁Link: https://www.facebook.com/HeiMaFamilyFun?locale=zh_HK Instagram 專頁Link: https://www.instagram.com/heimafamilyfun?igsh=cmZ3cm80NmJsZ2Nj 有時候，有啲命運就係咁奇妙，有啲父母為咗自己將來小朋友窮盡一生為小朋友計劃一切；有啲，盡管千般嘗試都係同小朋友冇緣份；有啲，後來係小朋友嘅成長道路發現佢嘅特別之處。 試問，父母會因為小朋友的獨特而唔愛佢嗎？ 當然唔會！因為愛就是愛。盡管小朋友有冇咩特別之處，父母對佢哋嘅愛只會有增無減，但有時父母面對住獨特嘅小朋友會感到無助、覺得自己總係做得唔夠好，會比自己好大壓力。 所以有時，係關心啲獨特嘅小朋友之外，都唔可以忽略咗照顧者嘅照顧，要多照顧被照顧者嘅照顧者！

Helen Wong(會計税務) Facebok專頁: https://www.facebook.com/helenwongyc?locale=zh_HK 到底一位專業嘅會計師要計數計到咩境界，先去決定去開公司呢? 其實有好多想開公司嘅朋友們，其中一個好困擾嘅問題係公司交税果方面，有各種千千萬萬嘅問題想解決。 但係若果有一位會計師為公司座陣就會安心好多! (但係公司都未有進帳 邊度嚟請一位會計師呀呀呀呀??? *WWE抌櫈) (唔..唔!)言歸正轉。雖然一位會計師唔係萬能，但佢哋係為幫助各位公司係税局嘅苦海中逃離係的確不可或缺既! 就正如依次嘅依位會計師Helen Wong咁，唔單止可以簡單完成平常交税相關内容，仲會提醒公司有咩要注意，加以提醒之類! 係咪好貼心呢~~ 現在做優惠.. (並不是) Disclaimer: 小編係專業會計師面前都只係班門弄斧，有什麼相關資訊都應搵番專業會計師(例如Helen Wong)查詢！ 感謝各位可以依度睇到description嘅尾！

當一隻熊貓同一隻袋鼠打起上嚟，真係唔係咁人咁品。因為大家都請咗木村同「木村」做代言，當時真係會搞亂咗點解木村可以做到兩家茶飯，唔通係因為木村係熊貓廣告入面了得嘅廣東話？不過，只係依個木村同果個「木村」嘅討論度，就令當時嘅金拱門主推嘅Mcgriddle成為一時風潮。(真係辛苦各位金拱門嘅員工們..) 就係你以為佢哋兩隻小動物打交前，就係你以為果位係楊英偉之前。或者，其實所有野都係金拱門之計算之内，從而達到一箭三鵰，果然老謀深算，依個廣告campaign，在下欽敬！ Btw，Kevin話佢自己似小肥喎，大家覺得係味突然想聽Kevin solo下 "淪為行過寵物~ 貓狗了解我的淒慘~"🎤

雖然剪接小生我有經歷過MSN個年代，但當時阿叔我只係得1歲，未識去開電腦個MSN去識女仔，所以當時對MSN嘅依啲早期溝通軟件都係好佰生，不過之後就好快發展到啲溝通軟件就開始用語音去聊天，甚至視訊溝通。 ；而社交媒體當時都只係由文字内容到開始圖片、影片、甚至依家人人日日都睇不離手嘅Reels。 不過，Threads嘅一出，就好似要人番番去舊時咁，用文字表達自己。到底係人們厭倦咗Reels嘅太盛行年代，想返璞歸真？定係因為可以係果度暢所欲言，表達自己？ 或者.. 其實有啲内容要用文字先可以表達出自己最真實個感受，從最内心出發咁去抒情呢？

相信去慣日本嘅香港人嚟講，一講到日本，即刻就會諗到拉麵、阿媽家姐(omakase)、富士山。當然一定唔少得每月都有嘅天神祭之類嘅祭典，每年都吸引唔少旅客到此觀賞，因為係一個好代表到日本當地文化嘅活動之一。 番番嚟香港，我哋都一定有唔少嘅文化活動啦，都比日本唔差得去邊嘅！例如之前個發光蛋活動啦，佢...佢好似同香港文化冇咩關係.. (重新嚟過) 例如之前個白色花海活動啦，佢可以... hmm... 佢可以表達到香港清明時候去掃墓個感覺啦，等等，好似唔係好啱.. 呀！有！例如之前個珍寶海鮮舫啦，佢係一部乘載住古色古香嘅海上酒樓啦。你話咩話？依家唔叫海上酒樓，叫海底酒樓？仲要潛水先去到？！唔係掛！ 呀！！！！！ 我諗唔到啦！！到底！ 到底香港依家仲有咩先係我哋自己香港文化嘅活動呀？？？？唔通我哋只係得依啲黑色幽默成為我哋香港文化嘅一部分？我唔要呀！！

傳說 天神每日都用智能廁板 而每一次 天神都會係智能廁板享受Me time 令每去一次廁所都"回味無窮" 但係有一日 智能廁板無意中擲入家中廁所 從此 呢種只係天上有既Me time 就比人類發現左 體貼 真愛 智能廁板 一間夢想屋對每個人嘅定義都唔同，可能係一個智能廁板、一部乾衣機、一座大衣櫃，或者可能只係同老婆一齊，再簡單嘅屋企都係夢想屋！你嘅夢想屋又有咩元素？

⚠️内容disclaimer! 本集嘅前半約3分-5分13秒嘅内容會過於重口味，建議如各位觀眾和聽眾如果食緊飯嘅skip咗先，等食咗飯，落咗格之後先聽/睇番，以免各位觀眾和聽眾要將食物重新進食。 可能有啲觀眾未必知道咩係"一戶建" (包括小編在內)，等我就同各位腦補下啦！其實簡單嚟講，"一戶建"即係獨立屋(日本Edition)，由一個細院加埋停車場，2至3層的木造小屋構成，面積約係100平方米到300平方米之間，即係差唔多有千幾至三千幾呎嫁！ 雖然解釋嘅咗咩叫一戶建，但都阻止唔到前半部分有各種直白嘅屎屎尿尿，不過今集Kevin嘅一戶建體驗係系Airbnb book嘅！相信香港人都對Airbnb唔陌生啦，果個價錢，會令你有賓至如歸嘅感覺，只要唔係book啲叫你入去前先敲下門嘅單位，相信佢都唔差嘅？ 係咪嫁? 就比Kevin好好解釋入住Airbnb有咩要注意啦！😉

所謂護兒心切，每個人都相信爸爸媽媽對自己小朋友的那份愛是無私的，將最好的給最愛。 但是否永遠都將這隻"小船"留在"避風港"裏，讓兩艘"大船"帶來"漁獲"呢? 又或是否應該讓"小船"經歷一些"小風浪"，讓"小船"知道要用什麼"工具"才有"漁獲"；用什麼方法才可以抵禦"大自然"的挑戰，從而令"小船"有更豐富的歷練呢? 想必與小朋友的教導也雖如此。

近年在商業間越來越多的商舖都開始改做訂閱制模式，所謂的訂閱制模式即是以月費或年費的方式去體驗或獲取相關公司商品。以Netflix為例，想當年仲係「古人」的小編，我仲要去Netflix的實體舖交還CD碟；依家做現代人的小編，只要有網絡，我就可以掌握App内幾百多的電影和劇集。 訂閱制模式已經開始滲入我們的生活支出，由媒體娛樂、到生活所需物品、甚至現在已經將創意結合訂閱制，創造了一些十分突出的品牌。 既然依家訂閱制模式咩都有，小編就想請問有冇女朋友版嘅訂閲制？ 3個，Thanks！

寬頻師博: "一個早上咁*多單! 想做死人咩?" (*默默繼續) 速遞派送員: "一部跑步機點樣一條友搬八層樓梯呀.." (*開始搬起跑步機) 每位嘅前線人員，不論你係裝寬頻嘅，送速遞嘅，定係送外賣嘅，就算係咪多勞多得，"辛苦"依兩隻字就一定走唔甩，分分鐘仲"辛苦"過鐡人三項賽。每次每日嘅工作多到阿媽都唔認得時，佢哋都只係講一堆大量生果名稱，然後默默開始佢哋嘅工作。我相信佢哋一定都為客戶好盡力咁完成每份工作，但有時都會因為各原因同工作量而有遲到，或者有可能送錯野添。 身為客人的我哋，在準備埋怨依啲前線人員前，不彷都諗諗佢哋一日嘅辛勤，真真正正嘅為生活拼搏。 致敬各位前線人員🫡

今集，我哋講營銷！ 點解做營銷前先要做好個人品牌? "依個問題問得好好!" "我哋都好樂意解答你的問題!" (對唔住 錯Channel) 其實一個良好的個人品牌可以有利於你之後的營銷，點解? 又同代理有咩關係? 就由兩位主持講東講西啦！

「靚女！我要個椒鹽豬扒同蒸水蛋呀 唔該哂！」 兩餸飯姨姨: 「冇問題！ 34蚊呀！」 其實兩餸飯依個模式我哋香港人依排一定有試過甚至係日日食嘅食物之一。不過，你可能會話：「大佬，只係我哋平時嘅日日都食嫁啦，有咩咁特別呀？」 首先，佢價錢上平啦，食物質素大多都唔輸茶餐廳先，係各位打工仔不二嘅CP值之選。再嚟，佢食物選擇又多，可以比有選擇困難症嘅朋友們病發下先。 其次，之前有不少的旅客都覺得兩餸飯依個食法十分有趣，特登走嚟香港試依個"特色"，即係對有啲旅客嚟講，兩餸飯已經係香港嘅飲食文化之一。(當然唔計之前有個旅行團超慘咁坐係街邊食兩餸飯嘅旅客啦) 仲有，兩餸飯平時一到中午食飯時間就排長龍，好似好有效咁推動咗係本地嘅經濟消費。 (但事實上係咪真係咁? 依集嘅兩位主持就同大家突破盲腸講下啦！) 比埋錢之後，發現自己冇叉用，同冇羹用 (Promote上一集✨)

到底一個好嘅宣傳campaign係應該有一個好嘅名先？定係個内容做得好先？計剪接小生嚟講，係全部都唔需要！可能「走塑」二字係特登偏負面，然後先可以引起市民討論，變相提高宣傳效率！一定係咁！ 然後係餐具供應商示範切牛排果時，切到果支竹叉同竹刀都斷咗，一定係現場節目效果！為咗可以令市民習慣竹/紙餐具嘅耐久度，係非常完美嘅反面教材！ 雖然就算政府有良好嘅宣傳同示範，但走咗塑一段時間嘅市民們，對大家嘅生活多唔多大影響呢？小生我幾有興趣想知！ 之後希望大家享受依集滿滿plastic嘅一集~

所謂男人的浪漫，除咗豆腐火腩飯之外，唔少得一定係心愛嘅車車。之前Tesla新出的CyberTruck，不銹鋼的車身；防彈玻璃；超強拉力；價格合適。 成為咗目前民用載具性價比最高的車。當時係外國有唔少人因為依部防護力+100的車而冇忍住手；依家終於到香港有得預訂，為解決各位CyberTruck嘅渴望！ "開咗CyberTruck之後，從此後面嘅車就已經冇再砵我，大家都對我好禮讓。" "喳咗CyberTruck之後，所有地形都應付到，船都已經唔洗買，係真正嘅ATV。" *所有内容以Tesla官網為準，切勿將CyberTruck當潛水艇及太空船之用。

"莫非係貧窮限制了我嘅想像?!" 依句野我哋都經常用嚟感嘆自己嘅身世，想像唔到有人用林寶堅尼去曬蘿蔔乾、想像唔到富豪會話對錢冇興趣、更加想像唔到係香港長大六十幾年嘅人唔識拍八達通。 但識拍八達通嘅各位先生女士們，有冇諗過自己有一日可以成為在這個資本主義的一位上流人士？一位上流人士唔係話要好似Elon Musk咁攞射火箭成為自己興趣，而可能係自己唔洗為生活奔波，可以有時間搞自己有興趣嘅事，好似Elon Musk咁(唔係指射火箭果Part)；或者可能對自己嘅目標更高，每人對自己目的地都唔同。 但在出發成為上流人士之前，有咩元素係必備呢？依集依兩位主持就一一講清楚！ "小弟我都想唔識拍八達通呀呀呀呀呀!!!!" (係。對唔住，我抽夠水了)

蝦~~咩~~~~蝦~~~~~咩~~~~~~ ~ ~ 噢! 礦呢之娃! 鳥山明先生的作品確實在很多人之中的童年佔有了不少的内容，當中龍珠系列不論是曾經的小朋友或是現在的年青人都十分的深刻，每位角色都陪着我們成長。 即使我們集齊了七顆龍珠也好，也不能令他復活。但他創作了一個令很多男孩十分熱血的世界。盡管一個龜波氣攻儲了兩集也好，佔了一版紙也好。 我們永遠都會記着鳥山明先生，一位傳奇的日本漫畫家。 ~ ~ 蝦!!!!!!!!!!!!!!!!!!

可能大家中學果時都有一條題目問：到底天賦、努力邊個重要？ 依個咁哲學嘅問題，係做學生時期的我哋，當然大多人都話係努力重要啦。但退後一步去睇，其實佢哋並冇話邊一個比較重要，點解？ 我哋有請兩位主持同大家灌一灌心靈鷄湯啦！ 有請品牌助產士 - Manos 同埋番茄通粉 - 茄粉！

有人話進修係令自己成為一個更好嘅人，咁所謂"一個更好嘅人"應該係以自身吸收的知識出法？定係以目標為本，擁有一張張嘅"沙紙"？定係再有更高層次嘅目的"令自己成為更好嘅人"？ 講到尾，其實進修都係為自己好，或者為咗事物/人而進修；每個人坐車嘅目的地都唔同，有遠有近，但最緊要都係到達終點。 令自己變成一個更好嘅人。

有一則古希臘的寓言《狐狸與刺猬》曾言，如果一隻狡猾的狐狸要捕獵一隻在走路閑閒的刺猬，刺猬看似佔下風，皆為囊中之物，但最後狐狸大多會以失敗告終。 原因相信大家都可以估到，因為刺猬掌握了「保命」這重要一環(刺猬會把自己捲縮起來，以防大多掠食者的攻擊)。當然，在現實通才的人才不會被專才的人攻擊吧？ 在香港，若果要成為一位專才的人，首先家庭上要有一定經濟能力，以及家人的支持。所以如果作為家長的你們，多啲為小朋友發掘佢嘅天賦，果份愛同支持對佢嚟講好重要！ 講到最後，身為子女，夢想家的你們，自己果份堅持最為重要。 "what doesn't kill me, makes me stronger" - Friedrich Nietzsche

恭喜發財!🧧 祝大家身體健康，財源廣進，温馨和睦！(雖然有啲老土) 每逢一到新年，我就會發現樓下保安特別給力，又好熱情咁祝你依樣祝你果樣，然後我當然好大方咁派每人各兩封利是，就瀟灑不留一片雲彩地急步走了，因為佢哋好快就會摸到封利是的1蚊硬幣。 之後樓下個保安就冇再同我講野，心裏一定好多祝福我全家嘅字眼。 (本故事純屬虛構) 當然個利是都唔好太小啦！ 我估依兩位主持已經準備好依段時間派利是比大家！地點唔知！時間唔清楚！總之一切隨緣！甲辰年大吉！ 完！